أنا من وجهة نظري أشوف يأما ترجعين له أو أنك تبلغين أهلك بالموضوع وهم يتصرفون ..
لأن سكوتك ماهو في صالحك أبداً ولو كان صادق وجاد كان جاء أخذك من بيت أبوك ومارضي
عليك مثل مأخذك أول مرة ..
وبصراحة تصرفاته نهائيا ماتتطمئن ولا تبين أبداً الأحترام والتقدير والألتزام بشرع الله ..وليش من
الأساس طلقك دامه يحبك ؟؟
إذا صار لك شئ وبعدين أهلك عرفوا مأحد راح يرحمك أبدا ولا راح يعذرونك وبالعكس إذا قالتلي
لهم راح تكسبين رضى رب العالمين أولا لأنك مارضيتي بالغلط لأنه أجنبي وماهو زوجك حالياً
وثانيا تكبرين بعيون أهلك وأولادك وتصيرين قدوة حسنة لهم لأنهم راح يتذكرونها إذا كبروا او يسمعون
فيها .. وثالثا : إذا كان صادق راح ينفذ شروطك او يدخلون الرجال ويعطونكم حل وصلح يرضي الطرفين
وإذا كان كذاب راح يعرف حدوده ويعرف أنك عزيزة نفس وورائك رجال يحمونك بعد الله ..
وأما بالنسبة لزواجك من شخص آخر فهذة حرية شخصية وإذا شفتي إن تربية أولادك تغنيك وتشغلك
فهو أفضل بالنسبة لأولادك وإذا تبغين تتزوجين الله يوفقك ويسعدك ..
وآسفة على الأنفعال بس بجد أنقهرت من إنسان حقير ويستغل خوفك على أولادك واعذريني اللي
مايخاف الله واللي يرضى لبنات الناس اللي مايرضى على بناته هذا مافيه خير والبعد عنه أحسن لأنك
وش تبغين برجال مثل كذا ...
ولا تصدقين كلامه عن زوجته والدليل حمل زوجته ..