اقتباس:
المشاركة الأصلية كتبت بواسطة الجنه غايتي
السلام عليكم ورحمة الله وبركاته
وعليكم السلام ورحمه ا لله و بركاته
كيفكم واخباركم
عني انا الحمد لله بخير
معكم محدثتكم الجنه غايتي من جده
هلا والله بجنه من جده ،،،،، غير
معاناه لفينا اغلب الاسواق ان ماكان كلها
اخويا طفش مننا ومسكينه ماما تعبت
بس انا اللي ما شاءالله جالسه ابرم وابرم
الله يعطيكم العافيه يالا رياضه
عندنا تخفيضات لكن مو ذاك الزود
يعني لملابس عاديه وجامعه
هذه لوحدها دوخه
عاد احنا برمضان الله يبلغنا ماتجي الملابس حلوه لان السوق ينقلب كله شتوي
عاد انتو عارفين احنا الشتاء عندنا نسمة هوا من عندكم
ما كنت ا عرف انهم ينزلو شتوي عندكم ،،، غريبه
فمن دحين نزلت اقضي للعيد
فكره حلوه انك تشتري قبل رمضان
وشوفوا اش لقيت
اول محل دخلته صديقي العزيز نيولوك
اخدت منه تقريبا 4قطع
بدي اسود ناعم جدا وراقي ولوتعرفوا بكم بس ب15رياااال ووواااااااو صح
واخدت بدي فضي توب ينفع لحفلات وكدا وب40 ببببببببببس
واخدت بلوزه تايقر اسود ورمادي مره كشخه وتجنن وكانت فوق الميه وحصل عليها تخفيض نهائي وصارت ب30
واخدت كمان جزمه الله يكرمكم يمكن ب60
يعني اسعارهم جدا حلوه
على فكره اللي يلبس بناطيل حيلقى كتير احنا البناطيل ممنوعه اذا ماكانت البلايز طويل
عارفين طويله لوين للركبه
يعني انا من جد اعاني السوق دي الايام نازل بالبلايز الطويله اللي نص الفخد لكن انا مالبسها
وغير كدا ذوقي جدا صعب ومن كل مكان اجمع ماحب اشتري طقوم
والقى احد لابس مثلي
اتكلمت كتير صح
ابدا اعطيتينا فكره عن الاسعار و الانواع
وهذا هو الغرض من الموضوع
نسهل على بعض في تتبع اماكن و اسعار الملابس
روحت محل كوتون
عندو اشياء رائعه للجامعه
قمصان استخدام اخدت واحد اسود ب50 ريال
ووالتاني ابيض ب29 ريال فققققققط
اخدت من عندهم تنوره سودا للركبه جدا شييييييك وتصلح للعيد ان شاءالله وبس ب80ريال
واخدت للتنوره بلوزه رصاصي وفيها نقوشات من الجنب وطلعت جدا جدا كشخه يمكن البلوزه ب50
امممم
وين كمان ياجنه
صح اخدت من نيكست بلوزه راااائعه ومره فخمه وبنوتيه
كلها الوان مدمجه ببعض وسعرها رائع ب60 ريال بس
طبعا انا دورت كل مكان وماخدت الادي الاشياء يعتبر قليل جدا
احيانا من غير لف بالاسواق و تعب تجدي ما تحتاجيه و على قياسك
اما تخفيضات المكياج والعطور ماقد لاحظت الفرق ولاعمري انتبهت
اشتريها عادي
وبس
اتمنى مااكون قرقرت كتير وطفشتكم
|
جنه فرحتينا بمرورك و اضافتك افادتنا كثير
لكن انت ما تخيطي ما تشتري اقمشه كله جاهز
و العبايات كيف تشتريها
__________________
التعديل الأخير تم بواسطة نظرة أمل ; 04-08-2009 الساعة 08:13 AM