منتدى عالم الأسرة والمجتمع - عرض مشاركة واحدة - تخفيضات الصيف بدأت ماذا وجدتي

03-08-2009, 08:35 PM

#47

الجنه غايتي

عضو مثالي

تاريخ التسجيل: Jun 2008

المشاركات: 1,217

اقتباس:

المشاركة الأصلية كتبت بواسطة الغربه مره

ياريت يا جنه تعلمينا على اماكن التخفيضات

نساعد الاعضاء يخلصو من مشترياتهم قبل رمضان ،،، و الك الاجر

ولا يهمك ياخالتو>>عادي اقول خالتو

1-شوفوا تبوا محلات عطور-مكياج وبسعر الجمله عندكم مركز الكورنيش والمحمل يبيع بسعر الجمله وتلقي احيانا الفرق اكتر من 100ريال

2-اقمشه رائعه ورخيصه هو في سوق اسمه مجمع الشرق لكن في محل اسمه العماري اقل سعر تلقي عنده واغلب انواع الاقمشه

3-طيب فساتين افراح للعرايس فيه كم خيارات ممكن تاخدي الافكار حتى
عندك مركز المستقبل- ومركز لمسات -ومركز اليمامه -والكندره مول

4-طيب فساتين سهرات ياكتر اسواقها

سوق النجار الدولي-سوق الحفني-الاندلس مول الدور التاني-عزيز مول الدور التاني-لمسات-جده مول -المساعديه- والكتيرررررررررررر

5-زينة للبيت اشجار ورود تحف كنب -مفارش- عندنا سوق محمود سعيد دوري كويس وحتلقي

6-هدايا اطفال العاب -هدايا للمواليد اوقات السابع -تحف سوق البلد>>>سوق شعبي روحوا الصباح واحد معاكم >>{اجل يعني لان الاكياس كتيره هههه

7-اكسوارات رائعه في محلات العفيف طبعا غير كليرز واكسوارز

فيه مكان بجدددددد يجنن لازم نروحه

ناخد شباصات -اكسوارات -شنط (ممكن ماركات مقلده درجه اولى)ساعات

برضووو البلد الخازكيه محلات شعبيه لكن وااااااالله العظيم اشتريت منها اشياء تجنن

والاسعار تترواح فيه الغالي والرخيص

8-محلات بيع الماركات المقلده واحيانا تشوفي نفس الماركه>>>بابا يكرها وانا مااحبها مره بس للاطفال تلقي انا لوااخدت بديهات منها

في اسواق تاج توج وبجانبها محلات كتيره قريب من مركز عزيز مول

اش كمان

9-المحلات الرجاليه>>>ثوب وغتره واقمشه كل مايخص الرجل ياكترها
عندك لو باسعار رخيصه تلقي بالبلد سوق المشالح

وفيه اماكن جدا راقيه ورائعه بسوق حراء الدولي >>اي احد يبغى يسال بهدا الشئ يقول اناتخصص خخخخ

ايوه صحيح

9-ملابس النوم والبجايم وملابس البيت عندنا مركز الهرم رااااائع كل بجايمي من هناك
السعر المنافس >>>من جد اسعاره راااااااائعه

فيه كمان مركز طابه وشبرا

حتلاقي للنوم للكبار والاطفال وكتير اشيااااااااااء

وللاطفال ملابس خروج كمان

لازم اكمل العشره افتكري ياجنه اش بقي

10-لمقاضي رمضان المواد الغذائيه اللي ياخد بكميات كبيره في عندنا مخازن والله ناسيه الاسم بسال بابا ان شاءالله برضو الاشياء تكون اقل حتى لو كانت اقل بريال ريالين بس ريال على ريال يفرق صح والا لا

ناسيه والله لو افتكرت شئ ماحبخل ان شاءالله

ادعولي ولاهلي

والله يسعدكم جميعا