المشاركة الأصلية كتبت بواسطة noora

السلام عليكم و رحمة الله و بركاته



ايش هذا يابنت انتي ناوية تسمعي تجارب و تخوفي نفسك من الولادة



ربي يسهلها عليك حبيبتي و يجعل ولادتك سهله و سريعة و يرزقك ماتتمني



شوفي بقولك على تجربتي اللي كنت اشوفها صعببة بس بعد ماشفت تجارب غيري

حمدت الله و عرفت اني كنت محظوظة بقومتي و ابني بالسلامة ..




التجربه كاملا و كم من الوقت احتجتي الى ان ولدتي

بعد مرور اسبوع بالضبط على موعد ولادتي المحدد .. صحيت الصبح على الم حااد حوالي الساعة 7 الصبح

حسيت انه الم ولاده .. لانه طول فترة الشهر التاسع ما كانت تجيني اي الالم و لا حسيت بشي الحمدلله ..

المهم دخلت الحمام اكرمكم الله و تفاجأت بسدادة الرحم .. طبعا نزلت اجري لامي قالت لي خلاص انتي ولادة ان شاء الله

اليوم ... طبعا الالم كانت محتملة و تروحي و تجي كل 15 دقيقة تقريبا و انا اسجلها ... و كانت اقول بقلبي يوووه هذه هي

الولادة ما اسهلها ما توجع .. و قعدت ادعي لكل اللي اعرفهم و بنات المنتدى و صديقاتي . المهم ماسبت حد ..

و بدت تتقارب الانقباضات و تصير كل 10 و بعدين كل 5 دقايق وو برضو حسيتها عادي و محتملة مو بذيك القوة اللي

يوصفوها .. عالساعة 11 كان عندي موعد مع midwife شافتني و قالت الرحم مفتوح بس 2 سم

بتتاخري شوي ممكن تولدي اليوم و ممكن تطولي ايام ..

لا تروحي المستشفى و استني لما تتقارب الانقباضات اكثر ..

روحت البيت و اتغديت و اكلت و شربت و امشي بالبيت و اتفرج مسلسلي .. لما الساعة 3 ونص تقريبا ازداد الالم و

تقارب الوقت و صارو كل 3 دقايق تقريبا .. رحت المستشفى قالو لي انتي لسه 4 سم .. بس دخلوني ولاده ...

و اول ما دخلت الغرفه زاد الالم .. جابو لي ال gas & air مانفع .. جابت لي الكرة المطاطية .. مانفع

اخذت شاور دافي برضو مانفع .. ازداد الالم بقوة.. ساعتها راح الضحك و ماعاد تذكرت شي الا الدعاء بالتفريج بس .. و

الممرضة الي عندي كان شكلها جديدة و مبتدءة مافي على لسانها

الا اصبري .. المهم على الساعة 6 بدا شعور الولادة و شعور الزحمة .. خلاص كنت ازحم .. و الممرضة تقولي لاا

انتي لسه 4 سم و لو زحمتي وطلع الراس راح تتقطعي من تحت .. حاولي تمسكي نفسك ..

اتخيلي فعلا اصعب شعورررر .. الم الم الم مابعده الم تيجي الزجمة قوييية و احس براسه يضغظ و احاول امسكه ..

المهم ظليت عالحالة لما الساعة 9 .. جت الدكتورة المناوبة شافتني قالت خلاص ولاادة .. ازحمي

بس ساعتها كنت انا خلاااااص خارتي قوايي و ماعدت اقدر .. قلت لها ما اقدر خلااص .. راح الحس ..

من هنا لهنا .. بديت احاول ازحم لحالي ... و بدا البيبي يتعب و نبضه ينقص ..

اخر شي قالت لي خلاص باضطر اني اقطع و اسحبه او عملية قيصرية ... البيبي خلاص تعب ..

اخر شي ربك فرجها .. بس قطعوني كثير و سحبوه بالفاصوص ..

و الحمدلله ولدت عالساعة 9.30 بالليل




2- اي موقف مضحك حصلك او الي كانوا معاكي وقت الولاده

بعد ماولدت و لفو البيبي .. سالتني الممرضة تاخذي شاور... قلت لها لااا شعري مستشور

قعدت تضحك و امي تضحك و اختي ... احنا وين و انتي وين





3- ماهو الشي الذي ندمتي انك لم تفعليه/ فعلتيه

اشياء كثيرة .. انه زوجي ماكان عندي

ندمت اني ماتصلت فيه ابكر عشان يكون معاي وقت الولادة ... هميت شغله على حسابي و حساب احلى لحظات العمر




4- اذا كان بأستطاعتك اعادة التجربه ماذا كنت ستغيرين

امممم ... اغير الممرضة لانها كانت صغيرة بالسن و جابت لي القلب بغباءها

اخذ صور لابني اول ما انولد لاني نسيت

اخيرا كنت بارتاح اكثر بعد الولادة .. لاني ماسمعت كلام امي و على طول بديت امشي و اطلع الدرج

و اجلس عالكمبيوتر عشان ابحاثي فا انفتحت الخياطة و تعبت اكثر من تعبي بالولادة




5- اعطي المقبلات على الولاده نصيحه مفيده

ابدا ابدا ابدا لا تسمعوا كلام الحريم ... اشربي خروع .. اشربي ميرمية .. اشربي مادري وشو ..

لا تسمعي الا كلام الطبيبة .. الخروع صح يحمي الطلق .. بس ايش الفايدة اذا جما الطلق و انتي مو مفتوحة كفاية

راح يصير لك مثل اللي صار لي و قد تلجأي لعملية قيصيرية ...


اخيرا تسلمي عزيزتي على الموضوع الحلو .. و ان شاء الله كل البنات يسيتفيدو ...




و يااااااربي يرزق كل من يشتهي الذرية الصالحة الصحيحة المعافاة من كل شر ياا ارحم الراحمين

ياااارب يجي رمضان هذه السنة و نفرح باخبار حلوة من بنات تجمع عاشقات حلم الامومة ..