تذكرت موقفين 
كانت أمي تقلي روحي عند زوجة عمك ( بيت عمي بنفس العمارة ) و قوليلها ( بتقلك ماما عطيني "دبس مسكني" )
و أنا روح طبعاً و اطلب لأمي " دبس مسكني"
و زوجة عمي كل شوي تطلعلي ألعاب و تعملي ساندويش و تشعلي الكرتون و تلهيني بأي شي
حتى ما تخليني ارجع لبيتنا
و آخر شي تعطيني كيس فيه أي شي على انه هدا " دبس مسكني"
لما كبرنا عرفنا الحيلة 
تاري كل الأمهات لما بريدوا يخلصوا من أطفالهم بعملوا نفس الحيلة
لما كبرنا صرنا نستخدمها مع أطفال العيلة حتى نخلص منهم 
-----
كنا أنا و اخواتي كتير نحب الكرتون و نكره كتير لما يقطعوها مشان موجز او خبر عاجل
و نسأل أهلي(ماما ايمتا آخر حلقة من الاخبار ؟
بابا ايمتا بتنتهي حلقات الأخبار ) ؟؟
---------------
مواقف الاعضاء كلها مضحكة
متابعة 
__________________
.
.
استودعتك أهلي في سوريا يا من لا تضيع ودائعه
التعديل الأخير تم بواسطة ماريا ; 07-08-2009 الساعة 07:59 PM