ياأخي الله يحفظك لاتطلقها ولاتتزوج عليها ولاتنزل رأسك
أنت ماقصرت ووديتها تزور أهلها وتتسلى معاهم في هذه الإجازة فخليها على راحتها معاهم
لماذا تشدد عليها في الذهاب اتركها معهم تذهب حيث يذهبون وتنبسط معهم
ولا يحاصر الزوج زوجته ويحاسبها في الدخول والخروج إلا إذا كان شكاك بسبب ماضي أسود له أو مو واثق في زوجته
وأنتم بإذن الله لاهذا ولاذاك
فلماذا تحاصرها ؟؟ كمل جميلك وخليها ترجع لك وهي مبسوطة وبتزور أهلك بنفسها وهي فرحانة لاتكرهها في أهلك
نحن لما ننام عند أهلنا نشعر براحة وإنطلاق من مسئولية البيت والزوج وحتى الأولاد أخواتنا الله يسعدهم ينتبهوا لهم ونطلع ونسهر ونتمشى على كيفنا ونرجع لبيوتنا مشتاقين لأزواجنا وزايد حبنا لهم لأنهم سمحوا لنا ننبسط ونرفه على أنفسنا من الطبخ والنفخ والتربية
فتعوذ بالله من الشيطان الرجيم وحط أختك أو بنتك مكان زوجتك لو زوجها كذا حاصرها وماسمح لها تخرج معاكم وانتوا رايحين راجعين بالله ماراح تزعل علشانها وتقول ليش زوجها ينكد عليها؟؟وتنقهر من زوجها؟؟ وممكن لو كانت بنتك من قهرك عليها بتسوي مثل سوات أبوها وتكلم زوجها .
الله يسعدكم ياأخي أنت كريم وهي تستاهل فكمل جمالتك لانها مثل ماتقول طيبة وحبوبة خليها ترتاح وتريح أعصابها لاتنكد عليها ترى تربية الأطفال مو هينة والله يخليكم لبعض
__________________
التعديل الأخير تم بواسطة (أم جمانة) ; 08-08-2009 الساعة 06:32 AM