منتدى عالم الأسرة والمجتمع - عرض مشاركة واحدة - شاركنا بتسجيل معتقداتك الطفولية ومعتقدات أطفالك

09-08-2009, 10:28 AM

#32

(نهر الامل)

كبار شخصيات المنتدى

تاريخ التسجيل: May 2005

المشاركات: 3,570

موضوع رائع و جاء في وقته

اغلب تواقعتاكم قريبة من توقعاتي

بس ما اتذكر كثير

المهم باكتب توقعات بنتي الله يحفظها

= مرة كنا نتقهوة عند اهل زوجي و كان مع القهوة تمر و الله يهديها بنتي لمن تشوفنا ناكل تتقرف

لمن اعطيتها تمر قالت يع صرصور استغفر الله

= بنتي لمن تشوف اطفال بيبي تقول من فين جابوا النونو اقولها من عند الدكتور فتجلس تفكر

تقول حرام ياخذون النونو حق الدكتور

= بنتي العام عرفت العيد زين فكل ما البسها فستان تقول مشينا للعيد

= بنتي تحب تشوف القمر فلمن نخرج تشوف القمر يتبعنا تقولي شفتي يا ماما

القمر يحبني و كل شوي تشوف القمر

= اول ما سكنا في بيتنا الجديد قلت ابغى بنتي تشوف صورنا انا و ابوها حقت الزواج

و يالتني ما وريتها البنت من بعدها تغيرت لمن شافت الصور تقول انا فين و لمن شافت ابوها ماسك يدي

تقول ليش و قالت لابوها خلاص لا عاد تحب ماما عشان انت معاها بالصورة و صارت تلصق فيه

هذا اللي اذكره اتمنى ان معتقدات بنتي افرحتكم و فرفشتكم