يوووووووه يمكن انا اكثر وحده مخها 24 ساعة يفكر ولي معتقدات ماتخلص على كل شئ بس للاسف اكثرها نسيتها بس اللي اذكره الحين

وحده عجوزة جارتنا كانت تقول اللي يعد النجوم تطلعله حبوب في وجهه على نفس العدد اللي عديته وانا وبنات جيراني كنا مصدقينها مررررررة ونطالع بوجيهنا اذا عدينا كل شوي ونقول الا الحين بدت تطلع حبة صغيرة وبعدها صرنا مانرفع راسنا للسما بالليل ابدا عشان بشرتنا

ومعتقد التلفزيون السائد لدى الجميع كنت اطالع بالفتحات اللي ورا واقعد بالساعات ادور وين جالسين الناس هههههههههه واجيب كشافه لانه ظلام داخل التلفزيون

وان البيبي ينزل من الركبة او السرة <<<< كله من امي الله يحفظها

وعندي اعتقاد ان الوحده اذا خلصت ثانوي لازم تحمل وتجيب نونو وكان عندنا بنات جيران من زمان خلصوا الثانوية واقول لامي ليش ذولا ماحملوا ربي مايعرف انهم خلصوا الثانوي وامي كانت تقول ياهبلة كيف تحمل بدون رجال لازم تتزوج وانا اقول وش دخل الرجال وبعدها حطيت في بالي انه الوحده اذا تزوجت ربي يعرف من عنده وتحمل وبعدين كبرت و فهمت ان الرجال يبوس زوجته فقط ومنها يجي البيبي وربي يعرف من عنده

ومرة صديقتي كانت تقولي اذا حكيتي جلدك كثييييييير شمي يدك بتطلع ريحة تراب لانه احنا من تراب

وكنت اسمع يقولون الكعبة بيت الله كنت احسبه جوه استغفر الله ولما مرة سمعت انه الملك دخل الكعبة يصلي فيها انفجعت وماصدقت وقلت شاف الله جوه استغفر الله بس

وكنت احسب رمضان رجال يدخل عند كل الناس عشان ياكل بس لاني اشوف اهلي يقضون ويقولون لرمضان بيجي

وامي اله يحفظها لما كنا نشاغب كانت تقول بنادي رحمة الله تجيكم وكنا نمووووووووت خوف منها لين كبرت ورحنا عند ناس واسمعهم يقولون رحمة ربنا وانا اقول يووووه يحبون رحمة ربنا وسالت وحده عجوزة قتلها ماتخافون من رحمة ربنا قالت في احد يخاف من رحمة ربه الله يرحمنا برحمته ههههههههه وانا كلي دهشة من كلامها


شكلي طولت بس من جد معتقداتي ماتخلص وهذا ولا شئ بس للاسف نسيييييتها اذا تذكرت بقولها ولا شكلكم طفشتوا
مشكور اخي عزوبي موضوعك جنااااااااان

__________________
اللهم لك الحمد حمدا كثيرا