استهدي بالله يا أخوي .. ليش عصبت وضاقت بك الدنيا

مو من أول عقبة تهرب منها .. قدامك حياة دربها طويلة مليانه عقبات أصعب من كذا

مطلوب منك تتجاوزها بنجاح

هدي نفسك وما عليك إلا المصارحة .. والسؤال وانتظر الاجابة منها وعلى اساسها قرر

ما نبغي نظلم بنت الناس .. أحياناً سلطة الأباء ودكتاتوريتهم تلغي شخصية الأبناء وتخليهم ابد مو على طبيعتهم

والله يا أخوي أن في رجال أمه قوية بشكل ما تتخيله ومشيه عيالها وراها .. ولا أحد يقدر يرفسه

ولا يحرك شي من مكانه إلا بشورها وأمرها .. حتى الزواج مو قادر يتزوج لأنها مو راضية

رغم انه كبر في العمر وما هو قادر يتخذ قرار لأنها كسرت شخصيته من صغره وما عادت عنده إراده

فإذا الرجال كذا شلون البنت المسكينة المغلوبه على أمرها

أنت مطلوب منك تتحرى عن الموضوع .. تاخذ وتعطي معاها .. تحط النقط على الحروف

ويا بنت الناس هالوضع أبد مو طبيعي ولا اهو عاجبني ومخوفني من مستقبلي معك

عطيني مبرراتك عشان اصبر نفسي واعطيك عذر .. أما سكر الموضوع ولا ابي اتكلم هذا مو منطق

ولا اسلوب حوار .. انا قاعد اتكلم مع وحدة عمرها 25 المفروض انسانة ناضجة تعي عواقب الأمور

مو مراهقه .. ما تدري عن الدنيا شي

ما بينا مواضيع مسكره كل شي المفروض ينفتح

__________________