الطلاق ابد مو حل .. الطلاق في حالكم هروب من المواجهه
الطلاق في حالكم قمة الفشل والاستسلام
الطلاق خسارة كبيرة لك وله
تدرين ليش .. لأن زوجك رجال صعب تشوفين مثله هليام
والله رغم عناده ورفضه انك تسافرين وتساعدينه إلا أنه كبر بعيني كثير
ولازم يكبر كثير في عينك انتي بعد لأن هليام طلعت لنا نوعيه من انصاف الرجال الي يعايرون
المرأة إذا ما تصرف ويصفونها بالبخل ويطالبونها بلانفاق ونفوسهم تتدنى على القرش في يد زوجاتهم
إذا موظفات ..
إذا تطلقتي ورحتي وجبتي فلوس .. شلون بكرة بتحصلين زوج مثل زوجك
هل ابتبقين طول عمرك في الغربة .. مانتي في نهاية المطاف لازم ترجعين لأهلك
كل طير مسافر بيرجع يوم لعشه ..
شنو الاحسن ترجعين لجنة زوجك ونار أهلك
انتي اختبرتي اهلك في السراء والضراء وعرفتيهم تمام
واختبرتي زوجك في الضيق والراحة وعرفتيه
معقوله الحين تفرطين فيه بهالسهوله .. في احد يرفس النعمه برجوله
الله عوضك عن اهلك بزوج جوهره .. مراح تصادفين مثله .. الفرص مو كل يوم تجي
المسألة هذي تنحل بالتفاهم ..
قولي لزوجك انك مقدره رجولته وأنه اليوم رغم ازمته الاقتصادية إلا ان شأنه كبر في نفسك
بس الحياة تحتاج منا تضحيات وتنازل عن شيء من قناعتنا إذا ما تمس شرفنا
قولي له أنه يسمح لك تسافرين مع أختك وأن الفلوس الي بتحصلين عليها لمساعدته
يعتبرها دين عليه يرده لك وانك متأكده ان راح يعوضك بالأفضل
وفي حالة تحسنت حالته الاقتصادية خلال سفرك انتي مستعدة تتركين كل شي وتجين عشانه
وإن شاء الله ما يصير إلا الخير
لكن ابعدي فكرة الطلاق عن راسك
لأن طلاق + حب = موت
__________________
..كالاطفال نحلم إننا ننام على سحاابة بيضاء يعطرناا المطر ..