شكرا حبيبتي على هالكلام الحلو

أمس صار لي موقف رح أزور بنت أختي في المستشفى كانت والدة بولد ولقيت أهل زوجها كلهم عندها ويتحمدون لها بالسلامة بالرغم إنها دائما في لقاءاتنا اسمعها تدم فيه ولا تذكرهم بخير وكلهم كانوا فرحانين ويصوروا البيبي ، لكن الفرق ان زوجها علاقته قوية بأهله وساكن معاهم في نفس البيت أما أنا زوجي كلش ما يحاول يقربني من أهله ويقول ما أحب مشاكل بسبب بعض المواقف السيئة اللي حدثت بيني وبين أهله في بداية زواجنا حتى بعد خطوبتنا كنت أقول له متى بتاخذني بيتكم أبي أشوف أهلك وأتعرف عليهم كانت هالمبادرة مني وليست منه وحاليا هو يزورهم لكن ما ياخذني معاه بس قليل في المناسبات.

على فكرة انا صار لي أربع سنوات من الزواج.

بالنسبة لأخواتي أنا ما أزورهم كثير بسبب انشغالي بالبيت والعمل والأطفال واذا الواحد زارهم كل وحدة تنم في اختها الثانية هم أساسا متفرقين كل وحدة مستقلة بحياتها هي واولادها وبناتها يعني ما في علاقات قوية بين اللأخوات وبعضهم وبناتهو وبنات خالاتهم

ماخذين الحياة كأنها بسباق كل عائلة تبي تصير الأفضل والأغنى

هذا اللي ينفرني منهم