منتدى عالم الأسرة والمجتمع - عرض مشاركة واحدة - شاركنا بتسجيل معتقداتك الطفولية ومعتقدات أطفالك

13-08-2009, 07:10 AM

(أم جمانة)

كبار شخصيات المنتدى

تاريخ التسجيل: May 2004

المشاركات: 5,678

أمس كنا في الطائف وفتحت الموضوع هذا لزوجي وعيالي وأخواني وقلت لهم بعض اللي تذكرته من قصصكم علشان نشع جو من الضحك

والمصيبة ولدي عمره 10 سنوات لما قلت لهم قصة اللي تحط قدر فيه موية وملح في الشمس علشان تبغى مطر

قال ولدي .ياسلااااام أنا بسوي هذه التجربة علشان أبغى مطر

قلت له : لالالالا هذه كلها تفكيرات غلط وجلست أفهمهم القصد من كلامي والقصص اللي قلتها لهم

وبعدها سألته : أنت اش كنت تفكر فيه وانت صغير وطلع غلط

قال : ونحن نروح الإستراحة دائماً أشوف الشمس تمشي معاي واقول الشمس تحبني

وأعتقد ياجماعة فكرة أن الشمس أو القمر يمشي معانا مسيطرة على الكل

وولدي الكبير قال : كنت أظن أن الكافر لما يموت يتحول لكفر.......الظاهر تشابه الاسماء أثر عليه.

ووحدة قالت لي : كنت لما أشوف البطل يموت في فيلم أجلس أبكي احسبه مات من جد

ولما اشوفه في فيلم ثاني أستغرب وأقول كيف جاء بعد مامات

***

وبالنسبة لي تذكرت شيء بعد ماقرأت تعليقاتكم

طبعاً أعتقد موضوع انجاب الأطفال كان شاغل الكل

والأهل مايقصروا كل واحد يقول لهم من مكان

وأنا كنت أظن أن المرأة تحمل بعد مايسلم عليها زوجها

وكنت أعتقد انه لازم كل يوم يسلم عليها لأن كل مايسلم عليها يكمل خلق الطفل ومراحل حمله في بطن أمه<<<<<حشى صار بناء عمارة

المهم كنت أستغرب جداااااااااااااااااااااااااا لما اسمع أن فلانة زوجها مسافر وهي حامل

وأقول ياحراااااام كيف بيكمل تكوين الطفل وزوجها مو عندها ..؟؟!!!.....واتخيله بيولد ناقص رجل أو يد أو بنص جسم

ربي يسعدكم الموضوع شيق واقترح تطرحوه على الأهل والاصدقاء وتنبسطوا بإخراج معتقدات الطفولة البريئة والضحك سوياً
وألف شكر للجميع

__________________