منتدى عالم الأسرة والمجتمع - عرض مشاركة واحدة

13-08-2009, 09:46 AM

فـرحــ{ــي

عضو جديد

تاريخ التسجيل: Feb 2008

المشاركات: 18

اختي الغاليه

ربي يديم السعادة بينكم ويبعد عنكم كل سوء وهم

دائم حكي البنت عن ابوها وقوليلها بابا يحبك وسولفي عن ابوها تجاهها .. بأنه يحبها لانها اكبر وحده واعقل وحده انتي مؤدبه وتسمعين كلامه .. وقوليلها انه بابا يزعل ومايحب الكبار يبكون .. ومثل هالكلام ..طبعــآ طفلة كهذه تجدينها من الفرحه دااايم لاصقه في ابوها وفرحانه فيه .. وربي بيحنن قلبه عليها ان شاء الله ..

حاولي اذا كلمتيها قوليلها روحي تأكدي من كلامي اسألي بابا ليش يحبك ؟؟

يعني خليها تسأله تكلمه ..

وربي يحفظهم لك .. وتنحل اموركم ان شاء الله

انتي كلمي زوجك بهدووء ونقاش هادئ ..

جيبي عبارات تحنن قلبه .. الرجل ضعيف وقلبه يحن سريعآ .. اختاري كلام واسلوب هادئ ورائع ..

مثلا زيدي كلام من عندك بأن البنت تسأل وتحس (طبعا بغيييير مباشر ) .. ودايم تقولي بابا طيب وانا أحبه وان بنت فلان ماتحب ابوها .. او ابوها مايحبها .. حرام هي تحزن .. (( ومن هالكلآم والعبارات اللي تحسين تأثر فيه ))

ادعي دايم وحاولي تقربينهم من بعض ..

جاتني فكره قد تكون جدا بسيطه .. لكن مفعولها قوي بأذن الله ..

اذا رحتوا محل مثلآ شيء بسيط عجبك (ومهم ان يكون بسيط حتى يعرف انه من البنت .. وليس شخص كبير تكون من فكرته) قولي لبنتك هذا بابا يحبه مرره جيبيه له .. او قوليلها بنشتري لبابا هديه .. يعني قربيهم لبعض لو على شيء تافه ..

مثلا خليها مره تجيب له كاسة عصير .. طبعآ نقصي منها عشان ما تكبها ويقوم يصرخ عليها ..

مره خليها تجيبله تفاحه او اي فاكهه في صحن صغير وتقوله قطعها لي انا وانت بناكلها (طبعا فكرتك تكون.. حاولي تجبيها بغير مباشر للبنت عشان ماتفضحك وتبين انه انتي اللي دازتها ) .. لا تخلينه يحس انوا انتي مسويه هالخطط خليه يحط انه من البنت لحالها .. وانتي سوي نفسك مستغربه .. يعني شي غريب وجديد عليك

اعذريني ان أطلــتـ ..

ربي يفرج همكـ .. يارب

__________________

طوبى لمن وجد في صحيفتـه إستغـفـــاراً كثيـرا