اول اشي لا ترتبكي ولا على بالك انا يا ستي امراة عاملة وبحكيلك اياها عن تجربتي انا برجع على البيت 4 ونص بغير الملابس وبفوت ابني معي على المطبخ وبطبخ اكلتي الي بتاخد معي تقريبا ساعة وبجلي اول باول اذا ابني نكد بحملو عادي ما بعقد الامور او بحطو عند جوزي عند التلفزيون بعدين بعمل قهوة انا وجوزي ومنقعد ترتيب البيت مو كل يوم يعني باالايام العادية اهم اشي المطبخ والجلي والحمام يكونو نظيفين وباقي البيت اول باول يعني لما ينشلحوا الملابس بنضبو فورا وهكذا مرات بصحى بدري بحط وجبة غسيل وبنظف الحمام وبتحمم وبنقع الرز وبطول اللحمة الي للغدا يعني الحياة ابسط بكتير مما بتتخيليها ومع مرور الوقت بتتعودي على النظام الي رسمتي لحالك وموفقة