فكرتينى باحلى ايام عمرى ايام ما كانت جدتى عايشه
احلى اكل واجمل لمه على الطربيزه العيله كلها متجمعه
وكان رمضان وانا صغيره فى الصيف زى الايام دى كانت جدتى تقولى بكره تكبرى وتتزوجى ورمضان يجى تانى فى الصيف وكنت عند جدتى الدنيا كلها لان خلانى وخالاتى كلهم خارج البلد الا ماما وكنت وقتها لسه لوحدى من غير اخويا وطبعا الفانوس احلى فانوس
الله يرحمها
طبعا طول اليوم لعب فى لعب والعيله كلها الشهر الكريم تتجمع عندها 30 يوم كله يحوش اجازاته للشهر ده والناس كلها اللى مسافره تيجى من خارج البلاد ونتجمع
وقبل المغرب نحضر الميه بالمورد والتمر والاطفال والكبار كله يتجمع ونفطر
وبعدين نحلى احلى مهلبيه من ايد جدتى بالمورد الله يرحمها
وطبعا قبل العيد بيومين نعمل الكعك والغريبه والبسكويت والشباب يوديها الفرن واحلى فرحه
وكل سنه وانتم طيبين
__________________
اللهم صلى وسلم وبارك على سيدنا محمد وعلى أله وصحبه اجمعين
سبحان الله وبحمده سبحان الله العظيم