صباح الخير

خلاص واجهته لسى أنتهيت : (



من اخر رد لي كنت متردده بين مواجهته والا أنتظر بحل ثاني لا أملكه
مرت أيام لهيت فيها نوعا ما
وأيام أغلي فيها من القهر ومايخف ثوراني الا أني أكتب بورقه تخفف شئ من ثقلي

ومره كلمتني أختي وقالت أن أخي يقول أني تعبانه ومتغيره مو فلانه الأوليه
كدت أنفجر وأقولها كل شئ بس مسكت نفسي
ووصلت للزعل بيننا وأختي هذي مره أشد مني على أخي هذا
وشكت أن عندنا مرض ومخبينه وكادت تنهار
ذكرت لها كأعتراف أنه حالتي بسبب أخي لأني خايفه عليه من البحرين ومثلت عليها أنه مصيبه لو هو يروح

من هذا الموقف سرّبت لأختي ولم أخبرها بالحقيقه
وفي موقف اخر أحتجت أني أثير حماسها للخطبه وقلت لها أشك فلان مضيف بنات
قالت أنا متوقعه
هنا خف الحمل عني نوعا ما وقلت تراه مضيف وخلينا نشد حيلنا بالخطبه


المواجهه حصلت الليله جلست عنده وقلبي يرتعد كلما حاولت أبدأ بكلمه أبلعها
هو بجهازه وأنا بحالي ما أعرف كيف ابتدي
ولما جيت بأقوم ترك الجهاز وحس أنه عندي شئ
طلب مني أتكلم
سكر الجهاز وبديت
قلت له أنا تغيرت صح؟ بيّن أنه عادي
قلت فلان أنت تكلم بنات وش فيك؟ وماقدرت أمسك نفسي وأرتجف
أنصدم وقال أنا أكلم عادي بالبالتوك قدام الناس فيها شئ؟ وهي وحده كبيره يعني كلام عادي

(على المغرب كنت بأجهز الغداء وما أدري هو نايم أو لا خفت أطق عليه ويصحى ويعصب فقربت أذني أتسمع حركه فسمعته يكلم وحده ويضحك ويقول لها زعلتي. هينا طقيت الباب وبنفس الوقت فتحته , حبيت أنه يحس أني سامعه شئ من شان أقدر أواجهه بدون ما أتطرق لمحادثاته )

نرجع للمواجهه
مثل ماخبرتكم اللي خايفه منه حصل وأخوي جادل ومشى على (هذي قناعتي ومقتنع فيها ولافيه غلط أني أكلم )
قلت اللي بالماسنجر عادي؟ قناعتك مقتنع فيها وأهالي االبنات حلال تدخل بيوتهم؟
وأنقذ نفسه بأنه كلللل اللي يكلمهن عند أخوانهن وحتي المتزوجات يدرون أزواجهم
قلت هو مجتمع سعودي ومو ممكن تكون الدعوه كذا
قال هم مو زينا ناس عايشين كذا مافيه فرق بين بنت ولا ولد
طبعا جدال الى النهايه وتأكدت أنه خلاص مابيسمع
لأنه وصّل لي
أنه الحمدلله علاقته فيهم مو بالظل كلام عادي يسولف معهن عادي وهن محترمات ولو غلط بكلمه نبهنه لغلطه
طبعا هو يكلمني يتوقع أني ما أدري عن طبيعة المحادثات اللي كلها قلة أدب منهن اللي تعرض جسمها وصدرها
أنا سكت
ماحبيت أخرّب عليه صورته اللي بيوصلها لي
(من طق باب الناس طقوا بابه
وتحذيره من الزنا
كله ماينفع بجدال مثل هذا
لأنه مثل مايحاول يوصّل لي أنه قدام الأهل وهو شخص محترم ولاهو واطي يقرب من الحرام)

قلت له بالنهايه بناء على كلامه ولاكأني أدري عن شئ
أنه أنا أختك خايفه عليك ماراح أمنعك من شئ ولا أنت بتخاف مني
وأنتهت المواجهه بدون شئ
أنهكت نفسي وأكلت فيها أسبوعين
أرهقت روحي علشانه
خلاص بأترك الموضوع وما بأفاتحه فيه
اللي عندي وصلته له مباشره

وكمان كملت معاه بالماسنجر
وقلت له باقي الكلام اللي عندي

وهو يرد علي أنه مصدوم وأنت ماعرفتيني شاكه فيني؟
رديت وأنا مقتنعه الى الان
أنه الى الان لا , بس خايفه هالطريق يقودك له

طمنّي أنه ماتخافي علي ولو ربي كتب عمر فبعد 10 سنين بتلاقيني أنا هو أنا
يعني أنه عنده حدود وخطوط حمراء ماراح يتعداها
وهذا عشمي فيه : (
أنهيت الكلام بالتصريح أنه قرب بنت بالحرام والخمر هذولا بيدمرونا كلنا وتأكد لما يوصلني أنك أرتكبت شئ منهم
أما أني بأنجن أو أتصرف كمجنونه لأنك الشخص الجميل الباقي بدنيتي , والشخص الوحيد اللي أقاتل علشان أحمي أسمه وشرفه
ولو رحت يافلان
فأنا بأروح
ورجوته باخر كلام بقولي:
أرجوك وأتوسل لقلبك النقي
أرجوك لاتزل قدمك
هناك قلب يبكيك وسيبكيك
وهناك روح أنهارت
أرجوك من أجل من أنت قلبه
كن مثلما كنت لا من أنت كائن


أنتهى
وأعتذر عن التفاصيل لأني أحب أنقل لكم الصوره كامله ويمكن بين السطور يجد أحد حل لمشكله مشابهه
المواجهه
+
أيميل مثلّت فيه أني وحده من خوياته وخايفه عليه وختمته بفتوى للشيخ سلمان لطالب علم يخشى على نفسه من الزنا
+
تلميحات وقصص

كل هذا مانفع

على الرغم من أني ماحصلت على نتيجه مباشره الا أني حاسه أنه بيتغير وعارفه أخوي حبيبي
بيحافظ على نفسه علشانه وعلشانا
ربي أحفظه وأهده يارب

شكرا لكم جميعا
ماقصرتوا معاي
والله يحفظكم
وياعيال خافوا الله في خواتكم أنتوا مو ملك أنفسكم أحنا نغلييييييييييييييييييييييييييييييييييييييكم
عزوتنا أنتم
لاتقتلون أرواحنا بأفعالكم
أرجوكم : (