أنا ماأشوف فيه مشكلة لهالدرجة

حابة اقولك كل نقطة بمشكلتك:

1/تعلقه بأهله، عادي ليش متضايقة
هو معاهم طول عمره،أغلب الرجال كذا ببداية حياتهم..إذا رزقكم الله أولاد بيبدا يتعلق ببيته
وأهله أفضل من استراحات وطلعات..
بالعكس حلو لو تطلبي منه تطلعوا مع أهله وصدقيني إذا زينتي علاقتك بأهله أنت الكسبانة وعن تجربة..


وزوجك من النوع اللي يحب الجماعة قدري هالميول عنده..


2/بالنسبة للمصرف
أغاب الموظفات كذا تلقائيا تصرف على نفسها ولاتطلب
يعني الحمد لله الله مغنيك ومعطيك،والدنيا الحين مو مثل أول
مومعناته تصرفي على البيت والفواتير والبطاقة تكون معاه
لابس احتياجاتك منك،ولو طلعتوا مع بعض مافي مانع تطلبي منه حاجة خفيفة أو يوصينه يشتري لك غرض بسيط
بعدين تخيلي مشاعره تطلبين والله معطيك بيحس انك مادية وهالشي مو حلو..ويكرهه فيك..

3/وبالنسبة للكلام الحلو أعذريه،الشباب مايعرفون يتكلمون
انتي بعذوبة كلامك مع الوقت يتعلم بإذن الله
خصوصا إذا هو ماهو راعي أفلام وخرابيط ماراح تكون عند خلفية ولا جرأة يتكلم


4/السوالف والجلسات
انتم لسى ببداية حياتكم
ماتعود عليك وتلقينه يهاب يتكلم


عموما عطيه جو مريح ومرح خليه يأنس بوجودك
اصبري عليه بتقر عينك بإذن الله مستقبلا

الله يوفقكم يارب