السلام عليكم اختي /
اختى ان شاء الله يكون في عونك ويهون عليك الامر ان شاء الله ، وترا موضوعك بسيط بأمر الله .
استعيني اختي بالصلاة وكثرة الاستغفار ، اختى الحالة هذي اللي تمرين فيها اعتقد والله اعلم بسبب الظروف اللي قاعدة تمرين فيها اي بسبب تعقيدات الاختيارات من قبل اهلك ، وبسبب ايضا كثرة التفكير عندك على ما اعتقد ، حاولي بقدر الامكان تنسين كل ماضيك وكل شيء يتعلق بخطيبك السابق اشغلي نفسك بأي شيء طيب طبعاً ـ الفراغ والفضاوة تجيب امور ما يتوقعها الانسان وتتعب الحالة النفسية بشكل ما يتصور . وحطي في بالك ان الدنيا هذي كل شيء فيها قسمة ونصيب ولا احد يأخذ غير ما قسمة الله له .
احياناً الانسان عند ما يفقد شيء او يشوف شيء يضيع من امامه يحاول هذا الانسان انه يتعلق بأي شيء على ان ما يروح منه هذا الشيء وهذا شيء طيب ، اما انه يتعلق او يتمسك بماضى منتهى ويحط اماله عليه هذا اكبر غلط .
لا بد الانسان يكون صاحي تماماً حتى لو ما لقي احد ينصحه يكون صاحي للي قاعد يسويه او حيسويه ، وثقى اختي تمام الثقه انه اذا كان الانسان طيب في افعالة واقواله وحتى لو ما كان كذا واستغفر وتاب بعدها واصبح انسان صالح وطيب ان شاء الله ان الله سبحانه ما حيعطيه الا الشيء الطيب ولا يكون نصيبه الا الطيب بأمره ، صراحة ما قد شفت انسان خبيث او خايس وكان من نصيبه انسانه طيبه او العكس صراحة ما قد شفت وهذا طبعاً مشيئة الله عز وجل عشان كذا حطي في بطنك بطيخة صيفي من هذا الناحية .
وانا واعوذوا بالله من كلمة انا معاك وابصم بالعشره فيما يخص نصيحتك بعدم المحادثة الا بعد الزواج او بقرب الزواج على اقل تقدير .
وان شاء الله يعطيك ويعطينا الخير كله وما نتمنى ياكريم .
__________________
ليت اللذي بيني وبينك عامراً X وبيني وبين العالمينَ خراباً