زهرة
هلا وغلا بزهرة وانا بعد مشتاقة
فرحت لما قريت اسمج لكن ما قريت الرد امس لاني كنت مستعجلة وانا ابي اقرا ردج على رواااق
بصراحة فقدتك وفقدت كثير من الأسماء حتى كتبت موضوع قبل هذا وذكرت فيه اسمك وبعض الاسماء اللي تذكرتها
فأنا انقطعت عن المنتدى فترة طويلة
ولما رجعت حسيت مو هذا القسم اللي أعرفه
ركووووود عجيب والبنات اللي اعرفهم مو موجودين والمواضيع قليلة جدا
بعد ما كانت الصفحة مليئة بالمواضيع والمشاركات الكثيرة
كنت في السابق إذا غبت يوم أو يومين احتاج إني أنتقل للصفحة الثانية حتى أقرا المواضيع اللي فاتتني
أما الحين لو أغيب اسبوع واكثر اجد المواضيع بنفس الصفحة ما تغيرت
عسى ان يكون ربي فرجها عليهم بصراحة ودي اعرف اخبارهم
لاني احس البنات في هالمنتدى مثل خواتي
وانتي يا زهرة عسى يأتي اليوم اللي يفرجها عليك ونفرح لك
عاد يا ويلك إن غبتي وما علمتينا
يا حلوها شوبارد تزوجت لكن مانست هالقسم وفرحت لما ردت علي بموضوعي السابق
اما كلامج في الموضوع الصراحة درر وما أزيد عليه شي
وعجبتني كلمة ((إجازة))
فعلا رمضان يخليج تعيشين اجواء روحانية تنسين معاها الدنيا وهمومها
خاصة إذا حرصتي على استغلال وقتج وحطيتي جدول تستغلين فيه كل ساعة بل كل دقيقة
ما يصير عندج مجال للتفكير
اسأل الله أن يعيننا على الصيام والقيام وصالح الأعمال ويتقبل منا
ولا تقطعين يا الحبيبة
__________________
يارب افرجها