محد راح يدخلك الجنه الا رحمة ربك.

امك لها كل الحب والاحترام والتقدير والمعزه والأجلال والهيبه والكرامه، منك ومن زوجك.

ولكن

انتي ليش من الاساس تدخلين زوجك با الموضوع، او هو من الاساس ليش يتدخل، يعني امك متصله انتي تردين، اذا مايبيك تروحين يقولك انتي مو يقول لأمك.فهمتي عليّ.

لابد تعرفين كيف تفصلين بين حياتك وعلاقتك بأمك وبزوجك، لابد تسيسين ها الشيء بخطوط دقيقه مره، وتعرفين كلاً منهم وش له ووش عليه.

وبعدين انتي من الاساس لابد يكون لك رأي ، مثلاً اذا تبين تروحين او ما تبين تروحين، وتنهين السالفه من البدايه، وتخلين الموضوع يكبر ويكون فيه اكثر من طرف.

ترجعين لامك وتراضينها وتشوفين وش بخاطرها، وبيتك تعرفين وش لون تديرينه وتحكمينه مضبوط.

الله يوفقنا ويوفقك.

__________________
ديمـا الله يصلحها ويهديها كبرت، وبدت تحبي، وتحاول تمشي بسم الله عليها.
هبلت بي وطلعت الشيب في راسي، الله يعيننا على امانه تربيتها، ويعينها علي. اللهم اصلح لي النيه والذريه.