منتدى عالم الأسرة والمجتمع - عرض مشاركة واحدة - زوجتي لاتقتنع بما افعلة من اجلها

30-08-2009, 10:25 PM

عضو دائم

تاريخ التسجيل: Jun 2007

المشاركات: 92

اخوي نبيلكو..

انا مرات اتكلم مع زوجي بنفس الطريقه.. لكن لاحظت وهو لاحظ انها ماتكون الا لما تكون عندي

العاده الشهريه.. انت تذكرولاحظ يمكنها ماتقول هالكلام الا وقت عادتها الشهريه او قبلها بايام..

لان الحرمه تتاثر كثير بهرمونات جسمها وتصير عدائيه بشكل كبير..

وبعض الحريم بسبب ادوية منع الحمل تصير نفسيتها زفت بشكل ماتتوقع..

وانت لما تتناقش معاها (تذكر وراجع نفسك) ماقد منيت عليها؟؟ وقلت لها سويتلك وسويتلك ومايبان

في عينك؟؟ انا مااتهمك ولكن اسال للاستفسار لااكثر ..

انا مرات لما اشوف زوجي يبدا يمن علي .. ارد عليه بكلام جارح لان المن يجرح الحرمه

واذا ماكانت الاسباب اللي قلتها لك موجوده فيها..

فانت بنفسك قلت لما تصير بيننا مشكله صح ولا لا؟؟

معناتها انها معصبه وقاعده تفرغ غضبها وانت بما انك رجل واكبر منها خليك احلم منها .. لاترد عليها

ثم اذا هديت الامور بين لها غلطها وان اللي تسويه لك يغضبك وراح تشوف قد ايش راح تندم انها

طولت لسانها عليك..

انت بعد لاتركز على سلبياتها .. اكيد زوجتك فيها ايجابيات كثيره ... لاتتهور وتودها لاهلها لان عمر الغلط

مايتعالج بغلط وتذكر ان في الدين مايجوز اخراج المراه من بيتها الا

اذا اتت بفاحشه مبينه انا ماني حافظه الايه والا كان كتبتها وزوجتك ماسوت شي كبير .. وبالنسبه للتدخين.. هل انت تدخن؟؟

اذاانت تدخن وقت ماتعصب وماادري ايش .. فهي تبي تقلدك.. تتوقع انها بترتاح بالتدخين

او ماادري ايش اللي في بالها..