السلام عليكم ورحمة الله وبركاته
بصراحه انا زائر متواصل للمنتدى واليوم عزمت اسجل عشان ارد على موضوعك أخي فارس
أول شي انت غلطت مع زوجتك يوم تضربها والمشاكل ما تحل بالضرب
وبما انك وقعت بالمشكله مع زوجتك وتصالحت انت وياها يعني المشكله اللي بينكم انتهت
يعني مشكلة الضرب حليتوها بينكم وانتهى كل شي هذا اللي فهمته
اذن المشكله هي خروجها مع والدها بدون علمك يعني هي وابوها غلطانين
انا اشوف انك طولتها معهم وماله داعي تسوي كل هذا وهم الغلطانين صح زوجتك وتحبها لكن ما ينبغي ان تبين لهم انك ضعيف وما تمشي حياتك الا مع بنتهم
انا اشوف ان احسن حل هو التطنيش الآن انت سويت اكثر من اللي عليك وما قصرت
لاتكلمهم ولا تكلم بنتهم طنش صدقني البنت بتمل وبترجع مكسوره ولا يهمك الزمن طال ولا قصر يمكن تجلس شهر او شهرين انت طنش وان حاولت ترجع بتكبر روسهم وبيعطونك شروط انت في غنى عنها
اهم شي التطنيش
واذا جاء العيد وهي ما رجعت من باب الاخلاق رح سلم على ابوها وامها وعايدهم ولا تجيب سيرة بنتهم واذا جت تسلم عليك سلم عليها بكل بروود ولاتبين لها انك مشتاق لها وقل لها بصراحه ما اتستاهلين اني اسلم عليك لأنك طلعت من بيت زوجك وهو زعلان عليك
اتوقع ان براس ابوها تدور خطه وهي انه يذلك ببنته بعدين بيتشرط عليك قبل يعطيك البنت وانت ان استمريت على الترجي والمحاوله تمشي على خطة ابوها وهذا اللي يدور
فخلك ذكي وبين لهم ان رجولتك وكرامتك ما تنكسر بسهوله وطنشهم هم الغلطانين
ولو قدر الله وقالت بروح معك او قالو لك اهلها خذ زوجتك قل لهم اللي أخذها من بيتي يرجعها انا ماراح آخذها وخلك عند كلمتك لا تاخذها
خلك قوي الشخصيه
صدقني اذا ذليت نفسك انت الخسران بعدين أي مشكله بتقول بقول لبوي بعدين بتروح معه سمحت لها ولا ماسمحت ويبي يذلونك ببنتهم
اهم شي لاتكلمهم ولو دق عليك ابوها قال متى تبي تجي قل انا مشغول هاليومين لعلي افضى واخلص شغلي قبل العيد <<<<<<<< لازم تتغلى وتبين إن الموضوع ما شلت له هم ووجدوها بحياتك مثل عدمها
وجهة نظر خاصه بي أتمنى إني أفدتك
اتمنى لك التوفيق