السلام عليكم
يا اخي زوجتك صح انهانت وضربتها وهذا غلط منك المفروض ماتسوي كذا بس واضح انك ندمان مره وماراح تعيدها

وانت تحبها وهي تحبك وحاولت ترجعها وهي رافضه وسويت الي عليك

هي عقلها في راسها وتعرف كيف تفكر هي جالسه تضيعك من بين يديها وجالسه تضيع حبك لها وهي الخسرانه انت ماقصرت معاها في شي من هدايا ومصاريف وحب وهي اكيد تعرف هالشي واكيد تقرا كلامي

الي عليك طنشها ولا ترسل لها هدايا ولا حتى مصروف لانك قاعد تصرف عليها وهي مو لمك

بكره انت تتزوج وتنبسط في حياتك وحبك تعطيه زوجتك الثانيه

وهي بكره كمان تتزوج ويمكن تطيح لها في واحد مايخاف الله ولا يصلح لها جزء من الي سويته وراح تندم عليك وراح تقارن بينك وبين زوجها وتعرف انها كانت غلطانه وتندم على انها سمحت لاهلها يدخلون لان ماعندها مع احترامي لها رأي ماتقرر من نفسها وزوجتك ماهي صغيره عشان نقول انها ماتعرف تفكر ياختي اذا كنتي تقرين كلامي المفروض اهلك مايعرفون شي عن حياتك ولا حتى امك لانها تحبك وماترضى اي شي يصير لك وفي النهايه ماتعرف امك تحكم صح بينك وبين زوجك وتخاف عليك وتدلك على طريقه غلط وهي مو قاصده بس كان قصدها توقف معك وتحل مشكلتك تعاطف معك لانك بنتها وماترضا لك اي اهانه وغلط
بس انتي الله يهديك امسكي اعصابك شوي واعرفي مين تتكلمين معه لانه لو صديقاتك والله ماتوصل انك تتكلمين عليهم فيا ليت يكون فيه احترام بينكم انتي وزوجك وارجعو على انكم ازواج جديدين وماصار اي شي بينكم كأنكم تزوجتو من جديد

الله يهديها ويرجعكم لبعض ويوفقكم ويسعدكم وترجعون حبايب مثل اول

الحياة بين الزوجين ماتمشي بالعناد وطولة اللسان والضرب المفروض يكون فيه احترام بين الزوجين مره واحد يشد والثاني يرخي مو الكل يشد وفي النهايه ينقطع الي بينكم مع الايام

لانه اذا الزوجين مايحترمون بعض بيصيرون الاطفال نفس الطريقه مايحترمون والديهم ولا يحترمون احد ويكبرون ويتزوجون ويصير نفس الي صار لامهم وابوهم .
واتمنى ماثقلت عليكم بكلامي وطولت عليكم
بالتوفيق