حبيبتي نمبر ون .. مبارك عليك الشهر و كل عام و انت بخير ..
يا بعد قلبي انت .. شوفي زوجك واضح انه عصبي و مزاجي والله يعينك عليه ..
معلش اختي اتوقع زوجك مو بس محتاج منك حنان الزوجه .. اتوقع انه محتاج منك ايضا حنان الام
الام اللي اذا اخطأ ابنها تسامحه و تعدي المشكله خاصه اذا كانت من هذا النوع .. اقصد الكلام عن
الزواج من اخرى .. والله انا اعلم انه كلامه جارح و مؤلم .. لكن تأكدي انه ما راح يتزوج انما زوجك
اسمحي لي مثل الطبل .. صوته عالي لكن من داخله فاااارغ .. يعني طبل على الفااااااضي .. لا
تزعلي من كلامي اسمعي من هنا و طنشي من هنا .. وانت غلطانه انك تتركي غرفتك و تنامي في
مكان ثاني ..خليك قويه و اذا يبي يترك هو الغرفه فليتركها ..
لكن طبعا يا اختي مثل ما قلنا لك في موضوعك السابق (الضرب ممنوع ) وانت ماخذه عليه تعهد
يعني نفذي اللي مكتوب في التعهد بمجرد ما يمد يده عليك ..
فوتي يا اختي و حاولي تحتوي زوجك اكثر .. يعني اذا عصب اتركيه و لا تردي عليه .. الا بكلمه ان شاء
الله .. حاضر .. اللي تبغيه راح يصير .. واذا هدأ تفاهمي معه .. تأكدي ان زوجك يحبك لكن بمزاجيه .
اختي تقربي الي الله اكثر .. اقرأي سورة البقره يوميا او شغليها في بيتك
اكثري من الاستغفار و الصلاه على محمد .. يعني خلي لسانك على طووول يلهج بذكر الله ..