اخوي الفاضل بهاء،

اتمنى منك عدم ذكر اسماء القبايل والاستدلال فيها، واذا في عائلة معينه من قبيلة معينه قبلت بهالشي هذا امر يخصهم، ولا يدل على قبول باقي القبيلة على هالمسألة...

بعدين اخوي الكريم ذكرت اكثر من قبيلة واستدليت باسمائهم، ولا تشرفنا بمعرفت قبيلتك!!!

الموضوع موب موضوع عنصريه، انت تقدر تذكر الامثلة اللي تبيها ولا احد يمنعك، بس اتمنى منك اخوي الغالي انك ما تتكلم على لسان القبايل، كنك المتحدث الرسمي عنهم...

بعدين اخوي الغالي محد تكلم على شوفه النفس، ولا الواحد يشوف نفسه على ايش، بغض النظر عن مركزة ومكانه في المجتمع...

ياخوي الكريم كل ما في الموضوع اننا نتكلم عن التوافق في مسألة الزواج...
والاخت ذكرت انها قبيليه بيضاء، واللي متقدم لها اسمر، وش معنات "اسمر"؟ يعني خضيري.
اخوي الانسان القبيلي اللي بشرته داكنه ما يقال عليه اسمر...

ولا رب العالمين هو اللي خلق الاسود والابيض والغني والفقير والقبيلي والخضيري...
وهالشي موب معناته ان الابيض افضل من الاسود ولا الغني افضل من الفقير...ألخ

لكن في مسأله الزواج، هذي الامور مهمة جدا، واتركنا اخوي من المثاليات، انت قبيلي صح، لو تقدم لاختك او بنتك رجال خضيري تزوجه ولا لا؟

على العموم كل انسان له حرية التعبير عن رأيه، ما لم يترتب على رأيه إساءة لاي فئه من الناس...

تحياتي للجميع...