صاحبتي وخطيبها بعد الاتفاق اختلفوا بسبب عملها
السلام عليكم ورحمة الله وبركاته
انا اول مرة اشارك معاكم بس بجد نفسى اسمع ارائكم لانها راح تفيدنى كثير
هذه مشكلة واحدة صاحبتى كانت مرتبطة بواحد قريبها وكانوا فعلا بيحبوا بعض وهى اصلا دكتورة وهو اول ما ارتبط بيها ومن قبلها كمان كان قالها انا موافق على شغلك وكمان انا اللى راح أفتح لك العيادة بنفسى فى المكان اللى انتى تحدديه وعشان هى كانت عارفه انه اصلا مابيحب زوجته تشتغل كان ذا اول موضوع كلمته فيه وحسمت فيه النقاش معاه و قالها انه موافق
وبعد فترة من الارتباط اتعلقت به كثير وبعدين جاء قالها انا مو متقبل فكرة شغلك انا مو قادر اتخيل ان زوجتي تشتغل
وحاول يخليها تتنازل عن الشغل بس هى كانت عندها طموحات كبيرة وهو اصلا كان يقول لها انا بحب فيك انك انسانة طموحة
فحاولت تقنعه انها ماراح ياثر فى حاجة فى البيت ولا معاه ولو حست ان ذا هياثر عليه هى اللى تسيبه لوحدها من غير مايقولها وانها تحاول توفق شغلها على حسب اللى يرضيه وممكن تغير مكان شغلها لو موافق عليه وقالت له حتى يسيبها تشتغل حاليا وبعد كذا هى ممكن لوحدها تزهق وتسيب شغلها
ولكن هو صمم على رايه وعاملها باسلوب قاسى وفضل اكثر من اسبوعين كل يوم يقولها ان فى حاجة بتضايقه منها وفى الاخر قالها نبعد عن بعض شوية عشان نعرف نفكر كويس وانها تسمح له انه يتصل بيها عشان يتطمن عليها فى الوقت هذا
وغاب اكتر من شهر ونص ماعرف عنه حاجة فى الاول كانت هى بتسال عنه اخته بحكم انهم اصلا قرايب بس اخته كانت بتقول مش عارفة
وفى يوم حاولت تطمن عليه وأرسلت له رساله قالت له انا مو قادرة استغنى عنك وماراح اسيبك عشان شغلى
لان انا ماراح أكون فرحانة حتى لو اتوفقت فى شغلى وانا بعيد عنك وحاولت تتصل بيه يوم كامل ومابيرد عليها غير بعد 24 ساعة أرسل لها رساله قالها انا كويس
وبعدها قررت ماراح تكلمه ثانى غير لما يرجع هو وفات اكتر من شهر ونص ومافيه خبر عنه
وهى عايزة تفهم موقفها ايه حاليا وهو سابها ليه ماكانت متخيله ان موضوع الشغل يعمل كذا وخصوصا انه ماكان رايه كذا فى الاول ومن قبل ما يرتبط بيها وهو عارف انها متمسكة بشغلها وكمان هى حلت له الموضوع
والبارح بس فكرت انها تكلمه بس باسلوب غير مباشر عشان بس حست انها عايزة تتكلم معاه وطبعا عشان كرامتها ماينفع تكلمه هى بنفسها
قامت بعثت له طلب اضافه من ايميل ثانى غير ايميلها وباسم تانى وهو قبل طلبها واتكلم معاها ببساطة وبضحك على انها واحدة ثانية خالص
وكمان كلمها وحكالها عنها اصلا يعنى عن البنت اللى كان مرتبط بيها وهو مايعرف انها هى وقالها انه ضحى عشانها وانه عارف انها عندها احلام عايزة تحققها وهو يبقى انانى لو طلب منها تسيب احلامها عشانه حتى لو هى وافقت فذا يكون غصب عنها وكذا هو يكون انانى
وقالها ان هو لسة بيحبها وان حتى نفسه يكلمها يتطمن عليها لكن مايقدر عشان مش عايز يجرحوا بعض وانه بيتمنى لها ان ربنا يرزقها بواحد تحبه ويحبها ويسيبها تشتغل وتبقى حاجة كبيرة فى شغلها
وفى الاخر قالت له انها هى نفسها البنت ووقتها حصل حاجات ماكانت تتصورها
قالها انتى خدعتينى واستغفلتينى انا ماكنت اتصور ان ذا يطلع منك انتى وهذى اخر حاجة كنت اتخيلها
انتى ازاى تعملى فيا كذا انا كنت فاكرك غير كل البنات لكن كنت غلطان انتى ضيعتى حتى الذكريات الجميلة اللى كنت شايلهالك وانا عمرى ماراح أنسى
وكلامه وجعها كثير وحاولت تفهمه ان هى عملت كذا عشان تطمن عليه وعشان كانت عايزة تتكلم معاه
بس هو مافهم وقالها كنتى تكلمينى من ايميلك مع ان هو اصلا بيدخل اوف لاين عشان مايكلمها
هى حاسة بالذنب وزعلانه عمرها ما كانت تتخيل انه يقولها انتى خدعتينى وهى اصلا عمرها ما كذبت عليه
ماكانت عايزة تكون هى النهاية وخصوصا انهم اقارب ماكنت عايزاه يكرها كذا
كانت متصورة رد فعله هيكون حاجة تانية بس اتفاجات
بس هى كذا فعلا خدعته ؟؟؟
وهى كذا فعلا انسانة وحشة ؟؟؟
هى كذا فعلا تكون وحشة فى نظره ويكرها طول عمره؟؟؟
يا ريت تردوا عليا ضرورى هى محتاجه ردودكم
وجزاكم الله خيرا كثيرا
التعديل الأخير تم بواسطة وردة بين الثلوج ; 04-09-2009 الساعة 06:52 AM
السبب: العنوان ليناسب المضمون + اللهجة المحلية