برزت لي مشكلة أخرى ولا أعلم لها حل

من شهر خطيبي كان مزنوق ماديا ، وماقدر يدبر ، فعرضت عليه مساعدته وقلت له أنا بعطيك

قبل وقال من وين بتجيبي لي ، قلت أنا معي مبلغ كنت بشتري به أغراض لي عشان لما أسافر
قال خلاص أوكي برده لك قبل السفر

أنا لما جيت كلمت ماما قالت أعطيه من فلوس الإيجار وقولي له هذه فلوس الإيجار ، أستحيت أقول لها بعطيه من فلوس أغراضي لأن الفلوس كانت معها وكانت هي تشتري لي أغرااااض كثييييرة من فلوسها ومن مصاريف البيت ، يعني أكثر من قيمة فلوسي الي معها..
طبعا ماقلت لخطيبي أنها فلوس إيجار ، لحد الآن فاهم أنها فلوس الأغراض، أستحيت أغير كلامي معه مرة فلوس أغراض ومرة فلوس إيجار..

طبعا ماما عارفة بالمشكلة الأخيرة ، و الآن جا وقت الإيجار ، طبعا الحمدلله مستورة ودفعنا الإيجار ، لكن ماما يوميا يوميا تقول يالله كلمية خليه يجيب الفلوس الي عنده ، كل يوم صبح ومساء وظهر وفي كل وقت ..

أنا أعاني بكل معني الكلمة ، يعني ماني ناقصة حمل على حمل ، بالله شخص يقول أنا أنهيت الخطوبة ، وأروح أقول له هات فلوسي ، والله صعبة أنا بعمري ماطالبت أحد بفلوسي عنده ، بعمري كلهاااااا..
وبعدين نفترض قال لي مالك فلوس عندي هذه أخذتها مقابل المقدم الي كنت دافعه لك وقت الخطوبة ، كيف بيكون شعوري وقتها ، مو متحملة صدمة بهذا الحجم..

دلوني كيف أسوي ،،

لا إله إلا أنت سبحانك إني كنت من الظالمين

__________________