السلام عليكم ورحمة الله وبركاتة

ولا اود شكر الجميع على الردود لان هذا يدل على نفوسكم الطيبه اللى ودها تساعد الناس

ثانيآ الاخ زماني ودي اكلم امها بس صعبه احنا في مجتمع لا يقبل مثل هذا التصرف واشكرك على هذا الراي

والاخت سحابة الصحراء انتي قلتي من حق الاهل يدورون لبنهتم لواحد عازب وما قلتي من حق البنت
وعلى فكره البنت عارفه اني متزوج وراضيه وودي بس اوضحلك شي العازب او المتزوج ما بينهم فرق كلهم رجال
بس الفرق قي الاسلوب والمعامله الحسنه ولاخلاق وطريقة التفكير وكل رجال يختلف عن الثاني مثل عالم
النساء كل وحده غير عن الثانيه في كل شي تقريبآ ويمكن متزوج خير من عازب ويمكن العكس وانا ما اقصد
نفسي في هذا الكلام والحمدلله زوجتي مؤدبه وعاقله وخلوقه وجميله بس يا اختي في اشياء
لا تعلمها الناس عنك وخصوصآ اللى بينك وبين زوجك وحتى اقرب الناس والواحد مايروح يتزوج على
زوجته كره لها او بغض او ان فيها عيوب او انها اخلاقها شينه لكن في اشياء ما تستطيع ان
توفرها الزوجه لزوجها والامثله كثير مثل ما تعرف تدلع ما تعرف تتفاهم ما تعرف تطبخ والاشياء كثيره
مثل ما قلت في الاول كل وحده تختلف عن الثانيه وقيسي عليها الااشياء الاخرى التي لا يعلم عنها الا الزوج والزوجه
الرجل لا يهدم بيت قائم علشان ان الزوجه منقصه عليه بعض الاشياء ولذالك شرع الله للزوج ان
يتزوج وارجعي للآيه وانتي تشوفي ان الله ما شرع الزواج بأكثر من وحده الا لوجود اسباب كثيره
وكلمة النسيان سهله بس صعبه على اللى في مثل هذا الموقف ويمكن اتناسى لا من المستحيل انسى
واصعب حياة تلك التي تعيشها على الذكريات..................


والاخ مشاعر رجل اشكرك على حماسك لي وحقيقه اني محتاج لزوجه ثانيه بس انت شوف لي حل


الاخت عيون لولي
كل شي في الحياة معرض للنجاح او الفشل وانا لو بدور غيرها
ما كتبت ابي حل وساعدوني كان رحت وشفت غيرها ولا من شاف ولا من درى بس يقول المتنبي
عذلت اهل العشق حتى ذقته
فعجبت كيف يموت من لا يعشق
وعذرهتم وعرفت ذنبي أنني
عيرتهم فلقيت فيه ما قد لقوا


الاخت ورد وذبل
الله يهديك لا تفتحين درب للشك في زوجك لانه دمار لكل اسره
وترين الواحد لو يبغى يتعرف بكل سهوله والحين في بنات يطاردون الشباب لاحول ولا قوة الا بالله
والله يهديك مو كل مثل ينطيق على كل الناس لان حياتك تختلف عن حياة شخص ثاني وانتي لك ظروفك
والانسان الثاني له ظروفه ومو كل مثل ينطبق على الجميع


الاخت الجوهره
اوجه لك نفس الكلام مع بيت الشعر اللى للمتنبي
وعلى فكره انا ما دريت انها مريضه الا بعد ما حبيتها وعشقتها وانا متقي الله لان لو كنت غير ذالك
كان لعبت عليها وتسليت معاها مثل مايسوون بعض الرجال ولا كان قلتلك ابي حل وساعدوني
لاني ابغاها حلال مو حرام


وشكرآ لكم جميعآ
اتمنى من الاخوان والاخوات اللى عنده حل يقول واللى ماعنده انا كتبت بدون تجريح او نصائح
لان كل شي صار وانتهى ولا ينفع لو كان ولو كان

والسلام عليكم ورحمة الله وبركاتة