اقتباس:

وانا الحين مااجري وراها بس ودي توقعاتكم لنهايتي ونفسي اعرف وش مشاعرهم ووش يدور بينهم الان

اقتباس:

تعاملي راح يكون با الحزم والشده عشان تتربى ويتربى اهلها

[QUOTE]يمكن لأنك محتاج لها من ناحيه عاكفيه جنسيه خاصه[/QUOTE]

السلام عليكم

كل ها الكلام المكتوب فووق من كلامك يا الغالي وخلني اعقب عليه فقره فقره.

اولاً:

انت ليش مستعجل على الموضوع ، يعني المره واهلها مسوين فيك كل هذا وانت عجل انك تحل الموضوع، ما يصير وانا اخوك ، كل كلامك غلط في غلط.

انت تبي تتوقع وش بيصير ، وليش تتوقع ، اصبر وبتعرف وش بيصير قدام عيونك وبتشوف وش بيسوون و وش بيصير.

ثانياً:

حبيبي اذا انت ناوي انها لما ترجع تقعد تسوي فيها عنتر زمانك وتشد الحبل فصدقني يا الغالي من الحين لا تتعب عمرك وتجيبها، لأنها في الاخير بترجع للمكان الي جاات منه.

ياالغالي ها الامور يبي لها هدوء وتأني وتروي وتحسب كل كلمه تقولها معها ، او بصريح العباره تكون حذر في التعامل معها، موب خوووف ، لا لاااا ، ولكن يا اخي البيت الي بنيته وتبي ترجع تبنيه ثاني مره ، ترى اصعب من انك تبني بيت جديد، صدقني يا الغالي، يعني فيه امور لابد انكم تتفقون عليه ، وتحطوون لكم قواعد انك لا انت ولا هي تتعدونها.

لا تكون لا بخيل ولا كريم ،سواءً من الناحيه الماديه او العاطفيه، ارجع واقول خلك حذر.

ثالثاً:

هل تتوقع انك انت فقط الي محتاج لأفراغ رغبته الغريزيه، وليكن، ما فكرت فيها هي ، هل هي تبي ،او هل هي فكرت فيك او اعتبرت لك واحسبت حساب لها الموضوع، هي وين من ها القصه او الموضوع؟؟؟

حبيبي انت تفكيرك موب غلط ، ولكن لازم تعرف ان بعض الامور يبي لها تروي وهدووووء الين ما تنحل.

انا ما اقدر اني اقولك رح للحرام ، ولكن لابد انك تحصن نفسك، الرجال بها المواقف يبينون ، وينعرف معدنهم.

اخذ الموضوع على انه تحدي بينك وبين نفسك، وبينك وبينها ،انك تصبر وتحتسب، وانك تصبر وتحل مشكلتك بكل ذكاء ومرونه.

اهم شي الصح صح.

الله يوفقنا ويوفقك.

__________________
ديمـا الله يصلحها ويهديها كبرت، وبدت تحبي، وتحاول تمشي بسم الله عليها.
هبلت بي وطلعت الشيب في راسي، الله يعيننا على امانه تربيتها، ويعينها علي. اللهم اصلح لي النيه والذريه.