المشاركة الأصلية كتبت بواسطة إيثار

السلام عليكم ورحمة الله


انا مستغربه من الأخوان الي يقولون طنشها أو اهجرها أو خلها في بيت أبوها ......... ليش يا ناس تحرظون الرجال على مرته!! بدل ما تهدون نفسه!!!


أنا أقول إنك ذكرت سبب المشكله بين كلامك وهو وجود مشاكل متراكمة من قبل وإذا تراكمت المشاكل تضيق الصدور ويصير كل واحد ما يتحمل من الثاني أي هفوة

وترى يا خوي الواحد إذا كان حامل في قلبه وزعلان يتصرف تصرفات يندم عليها بعدين ولا يدري شلون بدرت منها فيمكن لأن زوجتك في خاطرها شي وزعلانه حتى لو تكون هي غلطانه بس هي من وجهة نظرها ما سوت شي غلط فانت روح لها وخذ ما في خاطرها واجلس معاها جلسة مصارحة وحلوا كل الخلافات الي بينكم ورجعوا المياه لمجاريها وبين لها أغلاطها وعاهدوا بعض انكم ما ترجعون لنفس الغلط


ولا تضيعون العشرة الي بينكم والبنت علشان خلافات ممكن تنحل وترى إحنا في شهر الخير وبادر إنت حتى لو غنت مستعظم الي سوتها بس هذا علشان مصلحتكم وترى الشيطان يستغل الفرص لإبعاد الشخص عن ربه واحنا في شهر الله و الشيطان يبي يبعدك عن العبادة بهاذي المشاكل