سنتحدث عن الشمالي والمال ...
____________________________

غالباً ما يكون الرجل الشمالي ناجح في عمله وحقق مركز مرموق أو في طريقه لذلك ... لذا هو يستطيع تنظيم ميزانيته والحفاظ عليها كما يجب ... فهو طموح ولا يتخيل نفسه في يوم من الأيام يكون طفران ... تلقينه قبل لا يوصل لنص ميزانيته دبر نفسه ورفع مستواه المادي للحد المطلوب ...

لأن المال يشكل جزء من شعوره بالأمان ... فهو ليس بالبخيل ولكن ممكن تصنيفه ضمن الحريصين .لأنه يخاف من فقدان الأمان . ويصرف على نفسه وعلى بيته كما يجب ...


وبما أن الشمالي نعتبره رجل نفاخ ويحب الزين ...ويحب يتباهى بنفسه وبزوجته وعياله وكل بيته ... فهو لا يشتري ولا يصرف نقوده إلا على الشيئ الجيد ... يهتم بالنوعية كثيراً ... يحرص على الجوده ... وانتقاء الأفضل دوماً ....

يحب يتباهى بزوجته كثير أمام الجميع حتى لو أمام طفل ... يبيها دايم كشخه ورزه ...+ الماركات .

مهم عنده يلقى ختم كريستيان ديور أو إيف سان لوران أو شانيل ... (الماركات الكبيره)

لسببين ... الأول حتى يكون واثق من جودة البضاعة ... وأن فلوسه ما راحت إلا على شي يستاهل .
والسبب الثاني ... هو التباهي والإفتخار . فهذا ممتع بالنسبة للشمالي .


متى يكون الشمالي بخيل ... ويصعب عليه تقديم المال ؟ ...وخصوصاً مع الزوجة .

مثل ما عرفنا أن الشمالي ما يحب يصرف فلوسه على شي نوعيته غير جيده ....

إذا كان غير واثق من أن نقوده مع شخص يثق برأيه وذوقه فلن يقدمها إلا بشق الأنفس .

الطبيعي أن الزوجه إذا شافت زوجها حريص حبتين ...تحاول ترضيه ولا تشتري الغالي عشان ما تضيق صدره ... فتروح الطيبه وتشتري من المحلات الرخيصه ... وتجيه فرحانه ...والله يا بو فلان طحت لك على محل لقطه ... تخيل شريت لعيالي ملابس تكفيهم سنه ... بــ300 ريال بس ...

هو في هذي الحالة ... يدور في مخيلته أن زوجته شارية (عفواً) زبالة السوق ....
وأنها ما عندها ذوق ولا تهتم بالمظهر . وهمها تدور الرخيص ولا تهتم بمدى جودته .

بينما لو قالت له ... تصدق يا بو فلان ... توني جايه من شارلز جوردان .... ولقيت عندهم قطعتين هم أحلى وأرقى مافي المحل ... حتى المس خامة القماش شوف كيف ناعمة وبنفس الوقت واضح عليها قيمتها ...

في هذي الحالة وش يدور في رأس الشمالي ...!

بالفعل نوعية جيده وتستحق الشراء وحقها فيها ... وزوجتي تستحق بالتأكيد .

ليـــــــــــــــش ....؟؟

لأنك أرضيتي غروره ... وبنفس الوقت أقنعتيه بطريقة غير مباشرة أنك تستحقين الأفضل .

..نجي لمثال ثاني ...

تصدق يا بو فلان ... صديقتي ساره أمس كانت مع زوجها في مطعم أكلهم روووووعة ... تحلف أنهم شبعوا وبعدهم مشتهيين يكملون الصحون من لذة أكلهم ... وتصدق أن فاتورتهم طلعت 70 ريال بس
وهم طالبين سفرة تكفي عائلة بأكملها !!

وش رايك يابو فلان نروح الليله ناكل بهالمطعم ..؟ تراه رخيص وقريب من محلات أبو ريالين اللي على الشارع الخلفي بنفس الحاره اللي ساكنه فيها أم مشعل .

وش يدور في رأس الشمالي !!!!!!!!!!

وش ذا المطعم المتخلف اللي بتوديني عليه هالحرمة ... مدري بس متى ترتقي بذوقها وتعرف تختار الأماكن الزينة ... والله ما بعد انهبلت أدفع فلوسي بمطعم في حارة أم مشعل بعد .


بينما لو طلبتي منه يعزمك على مطعم في الدور ال44 في برج المملكة ... وقلتي نفسي والله أرز عمري الليه في سهرة راقية ... كان اختلف الوضع ... وصار دوووم يبتكر لك الأماكن الأفضل والأرقى عشان يرضي ذوقك ...ويرضي ذاته بنفس الوقت

وعلى فكره .... تأكدي أن الشمالي يحب كثيراً إسعاد زوجته ...لأن هذا سيعود عليه بالإفتخار بنفسه وبقدراته ...

الشمالي يبقى شمالي حتى لو ما اجتمعت كل الصفات الشمالية فيه ...لأننا عارفين أن الشخصيه الوحده تنقسم إلى أربع أقسام
1- النمط السائد
2- النمط الدون الغالب
3- الثلاثيه
4- الحلقة الأضعف .


ليس بالضرورة أن تكون الشخصية متمثلة في نمط واحد فقط ...
قد تأخذ الشخصية الواحدة صفات من جميع الأنماط ...
و لكن لابد من أن تكون هنالك حلقة أضعف ...


مثلا إن كانت الحلقة الأضعف هي الجنوب فإن الطبع الغالب سيكون الشمال، أما بالنسبة للشرق و الغرب فإن أحدهما أو كلاهما سيمثلان الطبع دون الغالب ...

يعني الشمالي له الشخصية السائده عنده شمالي طبعاً ولكن يجب أن يكون له صفات أخرى من الشرق أو من الغرب حسب النقاط التي ظهرت في الإختبار فنحدد النمط الدون الغالب ...

وبالنسبة للنمط الجنوبي له نصيب أيضاً من شخصية الشمالي في بعض الأحيان حتى لو كانت صفات قليلة جداً جداً ...

وإن شاءالله سنتحدث بالمرات القادمة عن النمط الدون الغالب وتأثيره في إختلاف بين شخصيتين شماليتين ... فأحدهم شمالي شرقي والآخر شمالي غربي .


بنات .. انا اكتشفت ان زوجي شمالي
وبعدين لقيت فيه صفات جنوبيه
يعني الشمالي دفش وماعنده احساس ويطنش يعتبر كلامي هذره او ماله داعي
بس مرات اذا زعلني يراضيني ويفكر فيني وهذي من صفات الجنوبي

لان الجنوبي رومنسي جداااااااااااا وانا انتظر تفاعلكم عشان احط معلومات عن كل شخصية
ونستفيد من بعض