هذي مشاركه لاحدى الاخوات
صحيح كلامك الشمالي غربي ياخذ امتياز في المماطلة
وصحيح مايحب الزن
اول شي لازم تسوينه لاتفتحين معاه الموضوع هذا لين ماهو يجي يفتحه معاك
يعني ابغاك تسكرين على الموضوع وتطنشينه كانك ماتبغين شي
عيب الشمالي غربي انك كل ماالحيتي على حاجه ماراح يعطيك ياها
بنفس الوقت عيشي جو انك محتاجه وماتبغين تطلبينه يعين لمحي من بعيد لبعيد باختصار خلي عياله هم اللي يطلبونه ليه تدخلين انتي بكل شي يعني مثلا قولي لعياله بدون ماتوجهين الكلام له وهو قاعد يسمعك (الناس كلهم اشتروا اغراض للعيد واحنا مابعد اشترينا بعذره ابوكم مو فاضي يشتري لنا)بسخرية
انا مره اخوي (وهو شمالي غربي مااعطاني مصروف للدوام )وماطلبته الصباح اخر النهار قال لي معاك فلوس (ماكان معاه صرف) قلت له بطريقة استهزاء(ايوه انت اعطيتني الصباح) جلس يضحك ومن بعدها بطل يسالني السؤال هذا لانه راح يتذكر هواعطاني ولا لا
غير كذا وريه انه ماعندك مشكلة لو مااعطاك (يعني لاتجلسين تشحتينه) ترى الشمالي يحب المراة القوية ومجرد مايحس انه ماله دور اساسي عندك (يعني مجرد ماتسفطينه ))وتخلينه من الكماليات راح يركض هو عشان يسوي لك شي بنظرته يخليه( المنقذ) اللي مافي زيه
انا اخوي شمالي غربي وهو وكيلنا ابوي ميت الله يرحمه
صدقيني اعرف كيف اجيب راسه دونا عن الجميع
وانا الوحيده اللي اذا سافرنا ياخذ ريي بكل صغيرة وكبيرة
كل هذا لاني مقدرة نفسه وشايفه انه مافي احد مهم واساسي بحياتي غير ي انا
ثانيا
انا ماادري انتي تكلمين عن مصروفك انتي او مصروف العيال
اذا مصروف العيال اسمحي لي اقولك (لاتدخليييييييين ) مو شغلك ان شاء الله عنهم مالبسوا
ابيك تقولين الكلمة هذي بالذات وهو يسمعك
ترى الشمالي غربي يخاف على برستيجه قدام الناس ماادري انتي مالتلاحظين الشي هذا ولا لا
انا اقول لك على موقف صار مع اخوي
انا كنت احب اروح حديقه عندنا وماتتخيلين وناستي لما اروح هناك
تخيلي جته فترة تنح صار يرفض يوديني بدون سبب مقنع يعني نوع من فرض الشخصية
تدرين ايش سويت
صرت ارفض اي مشوار عائلي
هو بالذات يكون معانا فيه
طبعا مو كراهيه
بس ابغى اجيب راسه
المهم
تدرين ايش سوى
اقسم لك بالله انه الحين هو اللي صار يعرض علي يوديني للحديقه ورتب روحه مع جارنا بدون ماادري عنها ولما سالت حرمة جارنا قلت انتي طلبتي من زوجك تقابلينا هنا قالت لا اخوك هو اللي اقترح المشوار
من بعد ماكنت اترجاه
تدرين ليه لاني وريته اني ماعندي مشكلة لو ماوديتني وماعندي مشكله لو جلست بالبيت
وطبعا كل هذا وانا معطيته طناش يعني يقول لي كلمه اردها عادي مااخذولا اعطي معاه
شوفي ياحبيبتي
انتي لازم يكون عندك وظيفة
مو عشان مايصرف عليك
لكن عشان انتي شخصيا تحسين بالاكتفاء
انتي الحين متبعثرة ومو عارفه ايش تسوين
لاتطيحين الميانه بينك وبينه
اطلبيه بثقه وانتي واثقه الف مره انه ماارح يرفض
بطلي دموع
وبطلي زن
وبطلي طلبات
حتى لما تبغين شي منه
اكتبي ورقه وحطيها عالدرج
بدون نقاش معاه
تدرين هو زي الطفل كل ماتناقشت معاه ارخص كلامك ولااهتم فيه
خلي على لسانك كلمة الناس والناس
كل الناس كذا
كل الناس يشترون كذا
دايما خلي الافكار تطلع منه مو منك
خلي السفر اقتراح منه
وانتي زي الاميرة مع الشمالي بالذات
تعرفين كيف يتصرفون الاميرات