ياالله
فتقتي الجروح
ام جمانه العام هل الايام انا قريت موضوعك وكنت ماخذه عهد على نفسي اني ماازعل زوجي
لكن هو الله يسامحه يارب
كان بداية تراجعه بالدين قبل رمضان السابق بأيام ولما قرب العيد كنت مسافره لاهلي لكنه طلب مني اني ارجع ووعدني بعيد حلو
رجعت لكن ليلة العيد قال لي بكرة في طيور كثيرة وماراح افوتها وحاولت فيه نروح نصلي العيد لكنه طلع قبل الفجر للبر
ووعدني يعوضني اليوم الثاني
ولبست عيالي وعطيتهم عيدية وشغلت التلفزيون على الحرم وشفت الصلاة
حاولت انبسط مع عيالي واحس انه يوم عيد
قمت اصفق واغني معهم وشغلت طيور الجنة وقاموا يضحكون مررررة انبسطوا
ولما جات الساعه 7
رجع ولا معه ولا ريشة
يقول مالقيت شي
طبعا كنت مستعدة له بعيد لكن للاسف قعد على النت بعدين قال تعبااااااااااااااان ابنام ونام ولاقام الا 8 بالليل
وواليوم الثاني قال اكيد اليوم بيجي طيور كثيرة بما انه امس ماجا وراح برضوا ووعدني بعيد ثالث يوم لكنه كان مرهق
وهكذا مرت ايام العيد كل يوم بوعد
وهكذا كان عيدي
عاد الحين اكتب لك وهو نايم استعدادا لرحله صيد بيطلع قبل الفجر
لكني هالسنة ماراح اخليه زي العام انا بعد حزمت امتعتي وراح اروح لاهلي رغم انه يحاول اني مااروح لكن قلت له شرط عيد زي الناس اجلس ولا ابروح
معليش قصة حياتي قصيتها عليكم
التعديل الأخير تم بواسطة صامدة حتى الفرج ; 17-09-2009 الساعة 01:05 AM