المشاركة الأصلية كتبت بواسطة عاشق الجواهر

الله يهديك رايح بدون اتصال على ابوها ولا تنسيق

يا سلام اشوف اتصل و لا نسق ولا قومني من النوم يوم جا ياخذها من البيت

يمكن ابوها طالع يصلي بمسجد ثاني مع احد اخوانه يمكن معزوم وطلع مسير على جيرانهم يتقهوى عندهم

ياخوي مستحيل اذا انت رجال البيت واحد يدق الباب ومابي استقبله اخلي حريم البيت يطلطلون من الشبابيك

الطلطله هذي اكيد ما حصلت الا ان الاب مو موجود

وحتى لو ركبتهم الحق والخطأ بيرد عليك يقول مادقيت ولا قلت لنا انك بتجي نعلم الغيب احنا ؟

واكيد ما يصير يستقبلونك الحريم

بس لقافة الحريم خلتهم يتجمعون عند الشباك

وصراحة اخوي فارس موضوعك طول اكثر من اللازم واتمنى تحسم الموضوع بسرعة وبحكمة ولا تتبع خطوات الشيطان

مو معقوله بصراحه من فترة زوجتك عند اهلها وتروح تقابلهم بدون موعد او اتصال قولهم انا جاي يا جماعة

والأخوان اللي قالوا اهدرت كرامتك ما فيها اي اهدار للكرامه

ما قالك ابوها وش تبي ولا قالك ليش جاي رح مانبي نشوفك

انت الى الان ما تدري والدها موجود ولا لا

ولا بس السيارة فيه لازم يكون موجود << مهو هنا مربط الفرس

ياخي انا زعلت من زوجتي فيه مره من المرات وجلست عند اهلها يومين وكنت ناوي من ثاني يوم ادق على ابوها واجي اقابله

بس جدتي الله يطول بعمرها تعبت وتنومت بالمستشفى وانشغلت يومين بس تصور يومين

واليوم الثالث كلمته وقلت له صباح الجمعة بجيكم اصلي بمسجدكم ونتقهوى

صلينا الجمعة ما طلعنا من المسجد قلت لو رحت للبيت بيشب علي

خلنا بالمسجد بالبراد ونقصر اصواتنا ونسولف بهداوة

وماطلعنا من المسجد الا القلوب صافية

ومعليش اخوي احس انك بتعند وماراح تدق عليهم او ترجع لهم ما ادري ليه