حقيقة ما اعتقد اني برد على هالموضوع بعد اليوم ( العذر والسموحه )

لاني اشوف انك لك رغبه ترجع زوجتك وبنفس الوقت لك رغبه بالإنتقام بأسلوب تعاملك معاها بالمستقبل حتى لو كان اسلوبك بالثقل عليها وعدم قول كلام لطيف لها او مدحها فهو جفاء منك

كلنا نتهاوش مع حريمنا ونروح لاهلهم ونتفاهم معاهم وقبل نروح نكلم آبائهم يناسبكم اجي بعد العشاء

او بعد المغرب

قال تعال حياك جينا دخلنا تقهوينا واخذوا علمنا واخذنا علمهم

تراضينا الحمد الله ما تراضينا العفو منكم كلامكم فيه تنقيص لشخصيتي ورجولتي ومستحيل اوافق عليه

تبون بنتكم ترجع لبيتها وتشتريني مثل ما انا شاريها بجيتي الى هنا فالحل هو كذا وكذا وكذا

شاوروها لاتنهدم حياتنا

وش دخل ضعف الشخصيه بأنك جيت انت جيت تاخذ العلم الصحيح يا ترضيهم ويرضونك او خلاص انت سويت اللي عليك وهم ما يبون الخير لبنتهم

ووصلتوا الى طريق مسدود فسرحها بإحسان وخلاص انتهى الموضوع الطويل

بس تقولي انك حسبت ولدهم ومدري وشو من هالتصريفات ليه ما يفتحون ليه ما يردون

يوم انك عااد نفسك مثل ولدهم ليه ما رحت لهم من زمااان

يوم انك عاااد نفسك حسبة ولدهم ليه ما رحت لخالك وتفاهمت معاه راس لراس اول ما صحيت من النوم ولا لقيت زوجتك ؟

لا ياخوي انت طولت بردة فعلك وانت عاد نفسك مثل ابنهم

وشئ طبيعي ابوها من قهره يقولهم لاحد يرد عليه ولا يكلمه ولا يلتفت له انا اتفاهم معاه واحسم الموضوع

تحية طيبة