اخوي فارس والله اني اريد لك الخير ولا اريد ان اراك بهذه الحاله وسأقول لك سبب الزامي على انك تقابل ابوها

انا لي اخ اكبر مني متزوج قبلي ومطلق مرته بالثلاث

ضرب زوجته وانحاشت لبيت اهلها بتكسي مو مع ابوها بتكسي

واستقبلها ابوها بنتي الحبيبه وش فيك واحضان وضربني وتبكي ومناحه وصياح

رجع اخوي من برا وين زوجته بيراضيها ما حصلها

دق على جوالها ما ترد وتعطيه مشغول

انجن وين اختفت

عرف انها عند اهلها

اسبوعين وهو يحاول ينسق مع ابوها بقابلك بقابلك وينك ياخالي بقابلك

وما قدر يقابله طلع وراح لبيتهم وجلس بالسياره عند بيتهم ما طلع ابوها

دق الجرس ردوا من على الباب انا فلان

وش تبي <<< بهاللهجة

قال ابي اقابل ابو فلان

وقالوا مو فيه

قال شكرا وراح


ورجع عقب يومين ما يرد على اتصالاته ولا رسايله

ودق الباب مين انا فلان وش تبي

ابي ابو فلان مو فيه

قال ماراح اتحرك الا لما اقابله

جلس نص ساعه وفتح الباب ابوها وقاله وش عندك ما تستحي تمد يدك على بنت جعلها الكسر

قاله ياخالي خلنا ندخل ونتفاهم

قاله تفضل

دخلوا وقاله الوضع كذا وكذا وكذا يرضيك تستهين فيني وبكرامتي وبأهلي

قاله ليه تمد يدك على بنتي انا مالي شغل بمشكلتك انا بمشكلتها ليه تمد يدك عليها


قال انا اقولك تغلط علي وعلى اهلي وتهين رجولتي وكرامتي

قال ولو ما تطقها

قفلة مع اخوي وقال اذا بنتك ما تصون رجلها وتحفظ كرامته وتعز اهله مابيها

قاله مع الف سلامه


وطلع اخوي وثاني يوم الصباح بالمحكمة طلاق

مر من عند بيتهم ودزها لهم من تحت الباب

وارسل رساله لابوها بنتك طالق وورقتها دفيتها من تحت الباب

جاته دعاوي الله لا يوفقك الله ينتقم منك على ظلمك ؟؟؟

وين ظلمهم والله ما ظلمهم بس هم ظلموا انفسهم وظلموا بنتهم

علشنا كذا انا ملزم عليك تقابل ابوها بأي شكل تتفاهم معاه


يا تصلح الامور وتتفاهمون او تخرب الامور وتشوف حالك مع بنت الحلال

تحية طيبة واسف على الاطاله

وعقب ما تطلق تعال ازوجك اختي بس لا تطقهاولا بفقع وجهك انا واخوي

تحية طيبة