كل عام وانت بخير
لاتحبط ولا شي .. ولاتخلي المواضيع الي في المنتديات تأثر عليك ..
الحياة اكيد فيها الحلو والمر والزواج اكيد فيه السعاده والمشاكل
طبيعه البشر كذا لما يصادفه لحظه سعيد يعيشها بكل مافيها وينسى كل شي حوله حتى لوكان شي مهم كيف بيتذكر يكتب قصته في منتدى .. لكن لما تصادفه مشكله اكيد اول شي بيسويه هو الفضفضه والشكوى .. شي طبيعي بتلاقي الي يكتب موضوع بيكتب عن مشكله صادفته مو لانه يكتب وبس لكن لانه يبي يدور نصيحه او اي كلام يريحه
لكن الي مبسوط ومرتاح بيجي يقولون انا مبسوط وش اسوي ؟؟ بنقول له وش المطلوب 
فلاتتوقع اذا كان الشخص مبسوط بيتذكر المنتدى ويجي يكتب وش صار معه !!
بالنسبه لي اذا كانت ايامي مو سعيده لكن بدون مشاكل ماافتح المنتدى .. كيف وانا مبسوطه
لكن لما اصادف مشكله ع طول اجي اطرح مشكلتي ادور الراي والنصيحه او الكلمه الطيبه او الدعوه الصادقه
وان شاء الله بالاختيار المناسب والتفاهم والموده يوفقك ربي باسعد زواج
وعيدكم سعيد
دمتم في امان الله
التعديل الأخير تم بواسطة صبرا جميل ; 20-09-2009 الساعة 11:47 AM