المشاركة الأصلية كتبت بواسطة سمو الأميرة تسلمي أميرات بس أنا سمعت إنه ممكن الوحدة تولد طبيعي بعد العملية وتتمدد المنطقة لكن بنسبة بسيطة ما ترجع زي ماكانت أتمنى تفيديني صح هذا الكلام ولا لا ؟؟ وهل في وحدة مسوية العملية وولدت طبيعي وما خربت العملية أو لا ؟؟؟

هلا بك اختي سمو الاميره ..

انا عامله العمليه .. عملتها بعد اربع ولادات .. في الولاده الرابعه قلت للدكتوره وانا على سرير الولاده

اعملي لي العمليه الان .. قالت لي ما ينفع انت عندك توسع و اذا تبغي العمليه اعملها لك بعد الاربعين

لكني اجّلت العمليه بعد سنتين من الولاده .. عندما رحت لدكتوره ثانيه قالت لي الافضل انك تكوني

توقفي انجاب بعدين تعملي العمليه لكني رفضت .. و عملت لي العمليه و كانت النتائج روعه ..

بعدها بسنتين حملت بالغلط .. واثناء الولاده جاتني قابله الله لا يورك شرسه جدا تبغاني اولد بدون

ما تعمل لي توسعه .. و كنت اقول لها قبل خروج الرأس اعملي لي توسعه اشعر اني راح انفجر من

منطقه المهبل و قالت لي و هي معصبه ليش ما عملتي قيصريه .. هي ما تبغى تتعب نفسها

و تعمل لي جراحه .. لكن عملت لي جراحه كبيره جدا و جاني نزيف شديد الظاهر بسبب الطلق

الصناعي لان الدكتوره عطتني كميه كبيره من الطلق الصناعي لان الطلق كان عندي بطيئ جدا

كل ما عملت لي غرز كانت تمتلئ بالدم و تضطر انها تفك الخياطه و تنظفني من الدم و ترجع تخيط

مره اخرى طبعا هذا كله تحت التخدير الكامل لاني تعتب جدا و عندما شافت عندي نزيف قالت لي

لازم اعطيك تخدير كامل عشان اشوف ليش صار عندك نزيف و ظلت تفك و تخيط .. تفك و تخيط ..

بعد الولاده تعتب جدا من الغرز ظليت شهر كامل كل كم يوم اذهب للمستشفى عشان يفكون لي

كم غرزه ..

بعدها شعرت بتوسع يعني 70% رجع لي التوسع ..

بعدها بخمس سنوات حملت مره اخرى بالغلط .. لكني ذهبت الي مستشفى خاص اخر و الحمد لله

ولدتني دكتوره شااااطره ... و قلت لها اهتمي بالخياطه والحمد لله كانت الجراحه احسن الف مره من

المره السابقه .. لكن التوسع صار تقريبا 40 % يعني الوضع مقبول جدا جدا و لله الحمد ..

اهم شي بعد الولاده تكون الدكتوره شاطره تضبط لك الخياطه حتى اذا قلتي لها ضوقي المنطقه تقول

ما اقدر اضوق الا على قدر المنطقه اللي قصيتها لا استطيع ان اضييق اكثر ..

انا اعرف شخصيا دكتوره عملت العمليه لكن تقول ان طبيعة المنطقه عندها رخوه فبعد العمليه بسنه

تقول رجعت احس بالتوسع ..

يا اختي هذه هي ضريبة الامومه ..

و عذرا على الاطاله ..