المشاركة الأصلية كتبت بواسطة apple tree

الجميع ابدى رايه وانا ابي ابدي رايي والحقيقه ان رايي مختلف عن الجميع و يمكن تشوفي انه غريب ، اولا وقبل كل شي هذي صوره للحشيش




طبعا بلا شك زوجك يحشش وخليني اعطيكي نصايح ، اولا جلوسك في البيت مع شخص يحشش يجعلك انت ايضا محششه ودمك يمشي فيه المخدر لانك تشمين الدخان (ولو كنتي جالسه في غرفه ثانيه) و ثاني شي لا تمني نفسك بانك راح تقدري تخليه يقلع عن الحشيش المدمن مدمن ولو اقلع راح يرجعله في يوم من الايام وبرايي ان عدد الاشخاص اللي يقدرون يتركون التحشيش بشكل كامل وناجح هم واحد من كل عشرة آلاف (راي شخصي) وهذا الواحد بالعاده يكون فيه خير و تلاقيه طاح بالغلط في التحشيش اما زوجك واسمحيلي بهالكلام واضح عليه رايح فيها من شراب لحشيش !! يعني من جرف لدحديره وحطي في بالك اذا كان زوجك الحين مايسويلك شي مع الوقت بيضربك و بعد كذا وبكل بساطه اقولك في يوم من الايام بيقتلك ...... أيه بيذبحك وانا اطلعت على حالات كثيره المحشش فيها يقتل اهل بيته (امه واخوانه) فمابالك ببنت الناس و لاتقولي زوجي واعرفه ترى اللي يحشش يسمى تحت تاثير المخدر يعني يسوي اشياء من غير وعي وكمان لا تقولي انه الحين مايسويلك شي لأنه مع الوقت راح يسوي اللي اقولك عليه و في النهايه راح تخسري اغلى شي عندك وهو حياتك و ثالث شي المدمن مافيه خير ابدا ابدا لا دين ولا اخلاق ولا فلوس دينه يروح لانه مايصلي ولا يصوم (وترى زوجك مو اول واحد كل المدمنين كذا)، و لا عنده اخلاق بسبب تاثير المخدر تلاقيه كله صراخ و ضرب ، ولا عنده فلوس لانها كلها تروح على المخدر اللي يشتريه و المشكله ان المدمن حالته ماتبقى زي ماهي و إنما تزيد مع الوقت وحياتك تصير جحيم ، وانا لو مكانك كان ما اقعد معه ولا ثانيه واتطلق منه اليوم قبل بكره و اقسم بالله ان النوم على الرصيف والاكل من القمامه (الله يكرمكم) اهون واشرف من العيشه مع مدمن (ومثل ماقلتلك لاتقولي هو مايسويلي ولا شي.. لأنه مثل ماقلت سابقا ان حالته تتدهور مع الوقت) و نصيحتي انجي بحياتك الحين قبل ماتنتهي حياتك على يده ، ولاتقولي انا زوجته وباوقف معه و احاول اساعده ... لأنه غيرك جرب و مانفع معه وفي النهايه هم راحوا فيها و ممكن يجي واحد ويقول الزوجه اللي ماتوقف مع زوجها في الضراء قليلة خاتمه و انا اقول هذا الكلام صحيح لو ان زوجها مريض او جاته اعاقه مستديمه او عليه دين و هي تساعده او اي شي إلا الإدمان لا عواقبه وخيمه، اذا انتي تحبينه و متعلقه فيه روحي الحين لبيت اهلك و علمي ابوك بالسالفه و قولي لزوجك ما ارجعلك إلا اذا بطلت تدخين مو بس حشيش) ووقتها اذا كان لك معزه عنده راح يضحي هو مو انتي اللي تضحي بعمرك على شخص مامنه فايده وإذا انكر ان يحشش خلي ابوك يقوله بيني وبينك المستشفى حلل دم واذا كان عنده حركات يقدر يخدع فيها تحليل الدم ترى في تحليل للشعر (يعني ياخذون عينه من شعر راسه) و ميزه هذا التحليل انه لازم يترك الحشيش مدة ستة شهور حتى يطلع انه مايحشش غير كذا راح يبان في التحليل انه يحشش وانا شبه ضامن انك انتي لو حللتي لنفسك راح تلاقي ان دمك فيه مخدر لانك تجلسين معه بنفس البيت.

داري اني طولت بس حبيت اقدم النصح لك لان الموضوع مو سهل وانا اشوفك متساهله جدا في هالموضوع وكانه موضوع بسيط.