السلام عليكم ورحمة الله وبركاته

حقيقة اشكر كل الاعضاء اللي مروا وردوا ودعوا لي جزاكم الله خير على آذان الفجر

المستجدات لاشئ يذكر

صحينا قبل صلاة الجمعة وجلست

قلت لها مافيه فطور ولا الحامل ما تسوي فطور بعد ؟

قالت فيه بس مافيه خبز

قلت دقيقتين اجيب الخبز

جبت الخبز وافطرنا وعينا خير

انتظرها تفتح الموضوع ما فتحته

قلت لها اللي حصل امس ماعجبني اتمنى ما يتكرر

قالت ايه والله حتى انا ما عجبني اتمنى ما يتكرر <<<< وش قصدها ههههههه يعني ما عجبها تصرفي صح خخخخخ

المهم قلت حلو يعني متفقين

رحت صليت ورجعت لقيت شغالة اهلها بغرفتي تكنسها <<<< اقولها لاتدخل الغرفه تقوم تكنس وتنظف التسريحة وتمسح الطاولات

قلت لها يا فلانه عجزتي تمسحين الأربع طاولات ؟؟؟ انا ما قلت لك الخدامه ما تدخل غرفتي ومكانها المطبخ وغرفة الغسيل

قالت الا بس قلت باقي البيت تنظفه وانت مو موجود وهذا انت رحت تصلي وخليتها تنظف وانت مو موجود

قلت انتي تستهبلين صح ؟؟ انا ما قلت لك غرفة نومنا ما تقربها خلاص انا بمسح الطاولات بس طلعيها

قالت طيب

طلعتها وجعت الكريستالات والزينه والأبجورة وخلافه بسلة وطلعتها للمطبخ قلت خليها تنظفها

وجبت فوطة وبليتها موية وقلت يالله امشي لازم تسوين تمارين شوي ما يصير خمول دائم

ومسحناها وخلصنا وقلت لها تعبتي ؟؟؟ قالت لا وشكرا على سؤالك <<< تتريق يعني

قلت شفتي شلون ما يحتاج شغالة لغرفتنا ؟؟

قالت انا ما ادري ليه فجأه نزلت عليك الطاعة ماتبيها تلمس شئ ولا تنظف

قلت غرفة النوم مكان بالنسبة لي خاص لزوجين فقط فيه النوم بكل تفاصيله والحرية المطلقة مابي احد يتجرأ ويتعبث فيها

قالت خلاص بيجون اهلي يوم الأثنين وبنرجعها لهم ونفتك من هالسالفة

قلت احسن

قالت ابي اروح لاهلي اذا رجعوا الأثنين وانام عندهم يومين تهدئ نفسياتنا شوي

قلت يكون افضل

قالت شكلك ما صدقت تبي الفكة

سبحان الله اقولك ان شاء الله واللي يريحك واللي تبينه والأفضل لنا تقولين الفكة ؟؟؟

قالت خلاص بروح لهم اول ما يرجعون قلت طيب

والله يا جماعة اليوم كله مع بعض الى بعد صلاة العشا ماحد فينا كلم الثاني

حتى الغدا مالي نفس اتغدى سبحان الله ماله طعم كلت لقمتين وقمت

ونزلت عند الوالده تغير جو

وانا طلعت للشباب بالاستراحه ورجعت وجلست مع الوالد نسولف شوي ونضحك

ورجعت البيت فتحت النت

ورجعت من عند اهلي وقالت تعرف مع من تضحك ومع من تقلب نفسيتك وتكشر

سكتت ما رديت وقالت هذا انت اذا نبي نتناقش تسكت

وسكتت ههههههههههههه مارديت

وقالت براحتك وانا بعد بعاملك بالمثل

التفت عليها وقلت تبين تعامليني بالمثل قالت ايه بعاملك بالمثل بكل شئ

قلت حلو هذا اللي كنت ابيك تقولينه بعظمة لسانك قلتيها

تعامليني بالمثل وهذا كل اللي اتمناه

واتفقنا على كذا وراحت تنام

وانا عندي دوام الساعه 8 بس شكلي بروح مواصل واسكر المكتب واطقها نومه

شرايكم بتعاملني بالمثل واتفقنا على كذا وش رايكم ؟

كتبت على عجالة علشان وقت الصلاة

قبل تردون صلوا يا اهل الرياض