قال : وش دعوى . قلت اسمح لي قال : يعني نجلس في الشارع ، قلت : مدامك تشوفني و اشوفك و تسمعني واسمعك يكفي ، وقسم بالله اني ما تذكرت الا كلام عاشق الجواهر عن اخوه يوم يقعد هو ونسيبه في المسجد و يحلون موضوعهم قلت : نروح للمسجد ، قال : اللي تبي
المهم دخلنا المسجد و بدا يتكلم و يبين إن الإنسان لا بد ان يصبر على القضاء و القدر إن خير فخير و ان شر فشر ، و من كلامه حسيته يبيني اطلق فقلت ياولد تغده قبل لا يتعشاك و قلت له : و الله ياخالي اني جاي ابي الخير وابي الصلح قال : و حنا بعد ما نبي إلا الصلح ، قلت : الحمد لله ، قلت سلامات وش صاير << حسيت وده يجلدني اجل وش صاير يا فارس . قال : انا بصراحة ما توقعت و لا خطر ببالي انك بتمد يدك على زوجتك فكرتك أكبر من كذا ، قلت : و الله العظيم اني ماندمت على شي مثل ماندمت إني مديت يدي على زوجتي ، قال : اللي صار صار ، و انا مثلي مثل غيري ما أرضى ان بنتي بنتي تنهان ، قلت : و الله و لا انا اضى بس مثلك عارف مشلكه و دخل الشيطان فيها و بنتك رفع الصوت و صار اللي صار وقلت : ياخالي ما فيه دخان من دون نار قال : وشلون ؟ قلت : المفروض انك قبل ما تتصرف في أي شي تسأل عن السبب عشان تعرف من الغلطان ، قال : مهما كان ماترفع يدك ، و انا اتوسم فيك الخير و سمعتك ما تعرف غلا بالعلم الغانم و قام يمدح و يريش لين معد قويت اشيل راسي بس بيني و بينكم عنده أسلوب إحراج لأني حسيت بالخجل ، قال : ممكن أعرف السبب ؟ قلت : ممكن ليش لا ؟ قلت بنتك جرجتني بقولها ............... ما اقدر أفصح عن هذا ، المهم يوم سمع الرجال انبهر و ما صدق ، و قسم بالله ان وجهه تغير ، وقلت : حط نفسك مكاني ترضى زوجتك تقول لك كذا ؟ سكت شوي و قال : بس فيه حل غير الضرب ، قلت : لا تلومني لحظة غضب و انفعال و رفعت صوتها باللي قلت لك و صار اللي صار ، طبعاً هو منصدم من كلامها لي بمعنى تأثر و ما توقع هالكلام يطلع من بنته ، و ما حاول يدافع عنها زي اول و قلت له : يا خالي لا تفكر بقلبك فكر بعقلك و قس على نفسك و تشوف و تعرف من الحق معه ، هو حاول ينهي الموضوع وقال انا ما ارضى ان بنتي تنضرب قلت و انا بعد ما أرضى ان زوجتي تنضرب و تكون هي السبب في وصولنا لهالحالة .
قلت هذا اللي مزعجكم بس قال لا فيه موضوع اللي هو انك ما تجيبها لنا إلا في الشهر مره اومرتين مهما كان هذي بنتنا و نبيها على اقل الأحوال كل اسبوع قلت : بس يا خالي السبب هو اني ما لقيت تقدير منها و لا حتى كلمه شكرا لما اوديها لكم و نرجع للبيت تقول إيه انت موديني عشان تفتك مني ؟ وو الله ياخالي اني اجيبها و انا لا بس قميص النوم و اتعمد عشان تدري اني راجع للبيت و بدور لي شغله اشغل نفسي فيها لكن ما لقيت تقدرير و لا حتى خلتني في حالي لو تسكت ارحم و برضوه حط نفسك مكاني تسوي خير و يقابلونك بشر بس تبون الصدق الرجال و قف معي و قال ما معها حق تسوي معك كذا لازم على الأقل تقدير للزوج وانا راح انبهها قلت هذي ما يبيلها تنبيه انا ما ابيها تشكرني ابي إذا جبتها لكم لا تقول لا تتهمني بشي ما قصدته و لا نويته ، قال هو خلصنا من هذي نجي للسهر و انت راعي سهر و بلوت و استراحات قلت في هذي معك حق و قسم بالله اني ما شفت منها إلا البلاوي و تضييع الوقت عشان وجيه ما تستاهل و قال كلمه اثرت فيني (بنتي تقول دمه خفيف لما يكلمه و ربعه ما يخلونه في حاله عشانه يفطس من الضحك) قال : ليش يا فارس ما تكون كذا مع زوجتك ؟ و الله ان تحطك في السماء قلت انا قررت اتغير و راح تشوف ان شاء الله من انت مناسب وراح اكون قد اللي اقوله ان شاء الله ، و قلت عندي مشكله بقولها لك قال وشي : قلت لا تحسبني منصدم من خروجها معك بدون ادنى إذن لأني متعود و قسم بالله يوم سمع هالكلام قال وشلون وعلمته و قلت انها اكثر من مره تسويها معي و انا اسكت و اكظم و اعلمها ان هالشي ما يصلح و لا تفكرين إن الإستئذان بيمنعك لا والله ما راح امنعك بس حسسيني إن زوج له كلمه في بيته و طبعا استفسر و استفصل وقال اكيد ما تسئذن قلت إذا رجعت من اللي راحت له قامت تعذر بانها مستئذنه بس انا ما سمعت قال : انا اللي باخذ حقك و الله (لأطقها و اتفل في وجهها ) و الله اني ما توقعت ان كل هذا بيصير انا فكرتك انت المخطي بس ويشهد الله اني توي ادري عن هالكلام قلت : المهم دريت و انا ما ابيك تطقها و تتفل في وجهها اللي جاها يكفيها و انا جاي اصلح يا خالي و الله ما جيت اخذ من زوجتي حق انا وياها ما بينا حقوق و قلت يا خالي انا مخطي و اعترف بهالخطا اللي سويته لكن انا ابيك تحكم بيني و بينها بالعدل و لا تأخذك العاطفة و تصير معها و قسم بالله اني يوم تقدمت لكم وشفتك و جلست معك فرحت بك و بأخلاقك وقلت الحمد لله ربي رزقني ابو ثاني لكني انصدمت بتصرفك معي ياخالي لا تعدني إلا ولدك وجهني و علمني إن اخطيت و يا خالي الشي اللي تبيه يتحقق لك بالحلم اكثر من انه يتحقق بالتعصب ترى مهما كان انا منكم وفيكم و لا تفكر اني مكابر و لا ما اسمع منك مثل ما نقلت بنتك عني و قاطعني وقال : مدامك تكلمت ذكرتني ، البنت تقول انك ما تجيب سيرتنا إلا بالعاطل ؛ قلت : فعلا انا ما ادجيب سيرتك إلا بالعاطل مثل ما قلت استغرب من الجرأة و قتلت الإستغراب و قلت له بنتك في الصغيرة والكبيرة تهددني بك في الطالعة و النازلة يا خالي مستحيل اجي من الباب للطاقة و بدون أي مناسبة اسبك و ا شتمك و الله هي اللي تبدأ و قال على العموم انت مخطئ و انا مخطئ و هي بعد لكن الحمد لله الحين زال اللبس الله كان موجود و نص رجب و رمضان في هم وغم و ان شاء الله انه ابتلاء المهم ختمت الجلسه و حنا طالعين قال بالنسبه للبنت هي الحين نفسيتها تعبانه قلت يا خالي انا ماجيت اقول طلعها لي ولا خلها تسلم علي انا جيت ابين موقفي لك و اني ظالم و مظلوم في نفس الوقت قال الله يعين لكن لا تفكر يا فارس انه من باب التغلي انها ما تطلع لكن نفسيتها تعرف لازم تتأقلم على الكلام اللي قلته لي و انا بدوري اقنعها قلت اجل فمان الله و ما تشوفون شر و قال : تعال في يوم ..... < منيب معلم بخليه مفاجأة
الآن هذا اللي دار بيني و بينه بالحرف الواحد و مثل ما قلت لكم البنت حطت صورة قبيحة عني عند اهلها لكن الله يسامحها و انا مسامح كل ما جاني منها و الله ييسر امورها معي و لا مع غيري لكن بروحتي لابوها حطيت النقط على الحروف و تخلصت من هم كنت شايله و ما توقعت الأمور بتنحل بهالسهوله لكن يبدو و الله العالم ان هذا من دعائكم لي فجزاك الله عني كل خير.
من لديه ملاحظة ؛ عتب ؛ مدح < لابد منه ؛ أي شي في باله يقوله لي عشان استفيد و بطلع الحين اكسر البكت اللي في السيارة و لا وش رايكم افحط عليه ههه و اكسر الولاعة << ولا اخليها يمكن احتاجها ، واتوب و اريح صدري و اروح اضبط اموري و اعيش حياتي بها او بدونها لأن الحياة لا ترحم وهذا الدرس او الإمتحان اللي صار لي خير دليل و الله محد ينفعني غير اهلي و بيتي و ناس مثل الأعضاء اللي في المنتدى اللي احترقوا عشاني ، و بسحب على كل اللي في الإستراحات و انتبه لنفسي و اعدل و ضعي في الصلاة و بمسك لساني عن الناس و ما راح اكثر ضحك مثل اول و بصير ثقل .
أي نصيحة تناسبني عليكم برزحها أي و ضعها هنا لان سبب تغيير حالي الآن بعد الله هو هذا المنتدى لما رأيت فيه من احترام و تقدير من كلا الطرفين
و السلام عليكم ورحمة الله و بركاته
__________________
عناد منيب حاط توقيع ، على كيفك انت وياه ؟
