بصى ياستى انا روحت قريت كل الردود ورجعتلك
أقولك الصحاب لا توجد بينهم تكلفه فى التعامل
بنقولها ازاى ( خالى البساط أحمدى )

يعنى أزواجنا اللى هم أزواجنا بنتعامل معاهم بحدود لأن الزوج له هيبه واحترام ولازم نحاسب على كل كلمه

لكن أصحابنا بنرمى كل شيئ ورا ظهورنا وبنتعامل ببساطه وذلك بعتبره حب حقيقى
واللى يحبك عمره مابيزعل منك إلا لو أهملتيها وبعدتى عنه
غير كده عمر الصديقه ماتزعل منك حتى لو ذبحتيها

أنا وصحابى عمرنا مابنزعل حتى بنعرف بعض عيوبنا بكل صراحه
يعنى أقول لصاحبتى انتى غبيه مثلا تفتكرى بتزعل لا والله بنت بتضحك فرحانه أنها غبيه
وهى تقولى انتى قرن شطه لانى عصبيه جدااااا تفتكرى بزعل منها لا والله مابزعل

ولما تتصل وما اردش على اتصال اصحابى اجد الرسائل هجووووووووم على الجوال
اكثر رساله محترمه ( الله يحرقك ردى عايزاكى ضرورى ) سبحان الله واحده بتدعى عليا وانا فرحانه وبجرى اتصل بيها واطمن عليها

يعنى مفيش بين الصحاب اى حدود

أنا جيت فتره بعدت عن مرات أخويا ( أنا وهى أصحاب جدااااا بشكل رهيب وعرفتنى على كل اصحابها وانا كمان وعلى طول نخرج سوا وكتتتتتير لو عملت أكل حلو وحلويات لازم اطلعلها وهى كمان فى الشقه اللى فوقينا على طول )
وعشنا كده اكتر من 6 سنين ( دخلت بيتنا وانا عندى 14 سنه وهى عندها 21 سنه ) وبرغم من كده اصحاب جدا
وكل اسرارى معاها

بس جيه وقت زززززعلت جدا منها
عارفه أمتى حسيت ان حبها حب تملك
يعنى من قلبها مابتتمناش ان اتزوج
عايزانى اعيش طول عمرى فى البيت هنا ( عشان انا وهى هنا فى عماره واحده )
لكن بعد الزواج ســـ أسافر محافظه اخرى

بشعر ان من يوم خطوبتى وهى نفسيتها تعبانه وعلى طووووول بكاء
طيب اى انسان فى الدنيا مهما بيحبك لازم يتمنالك الخير حتى لو بعيد عنه

لكن مرات اخويا عايزانى على طول جمبها لذلك اخدت موقف وبعدت عنها فتره لأن فى البدايه تخيلتها بتحقد عليا والله وبتستكثر الخير عليا رغم ان اخويا مستواه المادى فوووووق الممتاز واحسن حاجه بيشتريها لبيته وبيحبها جدا
بس كنت بستغرب ليه بتحقد عليا
فى الاخر شغلت عقلى واكتشفت انه خوف من انها تفقدنى لان خلاص هبعد عنها

وبس كده يعنى انا جايه بدل ماأحل مشكلتك بقولك مشكلتى !!!!!! عجبى