اختي قصتك مشابهو لقصتي ، طلقني ورجع لزوجته الأولى وبعد 5 سنوات رجع إلي يتراجني الرجوع إليه ويقول يمكن أكون مسحور أو محسود أنا كنت مو طبيعي يوم طلقتك !
أنا صدقته ووافقت بعد أن وضعت بعض الشروط ، وحصل بيننا مكالمات قبل أن يتقدم رسميا إلى أهلي (أنا كنت ابغا هتالمكالمات عشان أعرف جديته قبل أن يتقدم رسميا) أولها كان حب وعشق وغرام وكان يصف لي كبف كان يتذكرني ويشتاق لي كل هذه السنوات حتى انه اطلعني على خواطره اللي كان يكتبها الي ويتخيل اني اقرأها .
ولكن في الشهر الثاني من استمرار المكالمات اليومية اختلفنا على أحد الشروط التي وضعتها ، ثم قال لي ترى ماأدري يمكن تجيني الحالة وأطلق مرة ثانية بعد الزواج !!!
تعذبت عذاب مايعلمه الا الله خاصة واني سامحته وقررت ان اعطيه فرصة ثانية ووثقت به لكنه خذلني ، قلت ايش قصدك ؟ فأخذ يتلكك ويتلعثم ويقول انا احبك بس يمكن مااقدر اتزوجك ... ومن هالكلام !
بكيت وبكيت وانهرت وجلست شهر كامل وانا افكر ، طبعا كل هالفترة وهو يترجاني الرجوع اليه ويطلبني ان اعطيه فرصة .
ولكني استخرت وتشجعت ذات يوم وارسلت له (انتهى اللي بيننا الله يوفقك) .. فمشاعري اعز عيل وكرامتي فوق هذا الحب الغريب الذي ليس فيه استقرار وامان !
وارتحت ومازال حتى الان يحاول يرجعني ، حتى انه شاف حلم وفسره اننا راح نرجع لبعض .
فصرت ادعي ربي ان كان فيه يرده لي ويصلحه ويهديه ويسخره لي ، وان كان فيه شر يصرفه عني ويعوضني خير منه .
واحيانا ادعي ربي انه ينزع حبه من قلبي ويعوضني خير منه .
وفي نفس الوقت ماتركت قراءة البقرة والاستغفار . فالعين حق ولعلها سبب طلاقي ، لذلك قد يكون سبب عدم زواجي مرة ثانية .
ولأكون صريحة ففي قرارة نفسي رغم حبي له لااريد العودة اليه فان كان مسحور فهذه طامة ، فقد يتجدد السحر ويطلقني ، وان كان غير مسحور فاطم واطم فسيكون انسان بلا ضمير يرى ان بنات الناس لعبة ولايهمه الا نزواته .
في كلا الحالتين البعد اولى ففي البعد السلامة .
اقول هالكلام ويمكن ماتعرفون ان عندي منه بنت اخذها مني قبل ماتبلغ سن الحضانة . عشان يضطرني ارجع له . ولسى لي اسبوعين حارمني اسمع صوتها عشان يضغط علي .
حسبي الله عليه ونعم الوكيل .
اختي كتبت لك تجربتي مختصرة عسى ان تفيدك .
موفقة عليك بالدعاء والاستغفار وقراءة البقرة بنية تييسير امورك ......
وللعلم فطليقي كاتب متميز ومعاه ماجستير ويدرس الحين دكتوارة ، لكن احيانا الطبع يغلب ع التطبع ، وفيه ناس مهما وصلوا من علم فطبعهم ونظرتهم لبعض الامور لاتتغير .
وللعلم اول ماحاول يرجعني جاب لي طقم ذهب هدية وبعض الهدايا ليعبر عن حبه واسفه لما فعل ، وللعلم لما قلت له اني افكر جديا اني ماارجع له بكى وقال لاتتركيني انا مااقدر اعيش من غيرك،ولااقدر اعيش وانا اشوفك مع واحد غيري!!!
والله عجيب طب ليش طلقتني من الاصل .
اختي انا حاسة فيك ، مريت بالحيرة اللي مريتي فيها ، ومازلت محتارة .
ودايم اطلب ربي يزوجني باسرع وقت خيرا عشان تنقطع هالحيرة وارتاح .
الحب اللي مايريح ولايسعد مايستاهل التعب والتضحية ، صدقيني هذا اللي توصلت له اخرا .
__________________
وظلم ذوي القربى أشد مضاضة
التعديل الأخير تم بواسطة أطيـــــــاف ; 04-10-2009 الساعة 12:33 PM
السبب: تدمج المشاركات لترابط المحتوى