فكرتنى بموقف حصل لما كنت فى الجامعة .
كنت أنا و زميلتى بنقرا مجلة ووصلنا لصفحة طريق السعادة وكل رجل أو إمرأة بيكتب مواصفاته و مواصفات شريك حياته ، و فى العدد ده كان كل الرجال طالبين آنسه طويلة وبيضا ، طويلة وبيضاء ، طويلة وبيضا ، قامت صاحبتى رفعت عينها وقالت لى : هما كل الرجاله عايزين واحدة طويلة وبيضا ؟!!!! مفيش حد عاوز واحدة قصيرة و سودا ؟
ربنا سبحانه وتعالى لما بيمنع حاجة من عبده بيعطيه بدلا منها حاجات أحسن منها بكتييييييييير ، لكن للأسف إحنا مش بنحب ولا بنشوف غير الحاجات اللى مش معانا ، أكيد هتلاقى عند زوجتك صفات أجمل بكتير من الطول والإمتلاء ، وحاول إنك تفكر لو هى مش عندها الصفات دى وكانت طويلة و ممتلئة ، كانت حياتك معاها هيكون شكلها إيه ؟
أكيد إنت عارف الكلام ده ، لكن أحيانا بنكون محتاجين نسمع نفس الكلام اللى إحنا عارفينه من حد غيرنا .