عزيزتي الغربة مرة
انا للحين ماوصلت لمرحلة رمي الالعاب او توزيعها لانه ولادي لساتهم صغار عادة لما تتكسر اللعبة وقتها برميها
لكن اخت زوجي قبل العيد كنت عندها وولادها وصلوا ماشاء الله 11 سنة فقررت انهم كبروا على الالعاب والدباديب
فلمتهم كلهم وحكتلي بدك اشي طبعا ولادي كل واحد اخدله دبدوب
وبعتتهم مع زوجها لمؤسسه خيريه لتوزيعها على الاطفال المحتاجين قبل للعيد
لانه الالعاب كانها جديده ماشاء الله ولادها بحافظوا على اغراضهم كتير لو انا مستحيل ولادي بخربوا العابهم اول باول
حتى الصغير يلي عمره سنه ونص جبت اله سيارة صغيره على العيد بتضوي وبتلف تاني يوم شال عجالها وضله يضرب فيها بالارض لما كسرها
اتوقع اذا ولادي بكبروا على الالعاب ولسه عايشه عندهم رح اعمل نفس اخت زوجي وارسلهم لمؤسسه خيريه ترسلهم للاطفال المحتاجين
موفقه عزيزتي
تحياتي
__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..