السلام عليكم
الله يهديها هذه البنت وباقي البنات
طيب حتى لو كان الاب مقصر في حقهم طيب مايصلح تتكلم عنه كذا مهما يكون هذا ابوها واكيد رباها بشكل زين
ولازم ماتنسى كيف رعاها في المرض وهي صغيرة وكيف حملها واغدق عليها بالقبل وبحنانه وحتى لو هيا ماتذكر واكيد كان لها نصيب في دعواته وامانيه في المستقبل فهل جزاؤه هذا الاب بعد كل هذا التعب في رعايتها انه يلاقي هذا النفور منها؟ وكمان هوا الان كبير في السن ويحتاج احد يرعاه ويحن عليه زي ماحن عليها وهي صغيرة وانا انصح اي بنت ماخذه من ابوها او حتى امها فكرة سيئة او لانو ابوها شديد عليهم او عصبي انها تسامحه امكن يكون عنده مرض نفسي او شئ ولا تنسوا انو ماتفعلوه الان بابائكم وامهاتكم فانكم ستلاقونه في ابنائكم في المستقبل ..

واليك يااخي ايش رايك تقول لاختك انها تنصح صاحبتها هذه الله يهديها بانه ماتفعله حرام وانها لو تتخيل ان ياتوا ابناءها في المستقبل ويكرهوها بعد كل التعب الذي فعلته من اجلهم
واذا كنت مرتاح للبنت فخذها والله يوفقك معاها وكمان ان شاء الله يكون لك الاجر بانك تحثها على بر والدها بعد زواجكم ان شاء الله..

اتمنى لكم السعادة.. وان شاء الله ربي يكتبلك الي فيه الخير لك ولاهلك..