منتدى عالم الأسرة والمجتمع - عرض مشاركة واحدة - على وشك الطلاق فرّجوا عني (مستجدات في الرد244+259)

03-10-2009, 10:30 PM

#303

فارس الهم

عضو نشيط جدا

تاريخ التسجيل: Aug 2009

المشاركات: 312

ابشر بسعدك غالي والطلب رخيص

اقتباس:

فارس قولي كيف قايلتهم وكيف لمارجعتوا للبيت !!

قابلتهم بكل اريحية قابلتهم ماقبله من له حق ويريد ان يأخذه

اقتباس:

وكيف الحين يعني ماتحس انو في فجوه بينكم شلون تناظرون بعض

احسن من اول بكثير و الحمد لله < قولوا ما شاء الله لا تعود لأهلها .ههههه

يقولون ياخي غايتي الرضا الله يكفيك شر الحب بعد المصايب و الله ان جميع ما حصل لي كان خيرة في كل شي في صلاتي في قراءتي للقران في اقلاعي عن التدخين و الشيشة و امور كثيرة تغيرت في حياتي و الحمد لله ياخي يوم طقيتها تعدلت حياتي بكثير اجل لوي ذابحها ههههه وش بيصير ههههه .

اقتباس:

أنا مصدوم موعارف كيف بنرجع وكيف بنعيش وهي حطتني بعينها حقير وكرهتني وقالت فيني السبعة وذمتها

ياخي الله يغفر ذنب المذنب والعفو مثل ما يقولون سيد الأخلاق اعف و اصفح و عدل نيتك من شر إلى خير وراح تشوف النتيجه يا خي لا تأخذ الامور بحساسية مثل ما اخذتها انا انا كبرت موضوعي لدرجة انه نافس القضية الفلسطينية والردود والمشاهدات لمواضيعي خير دليل على ما أقول بالعكس إذا بغيت الشئ يهون عدة ما يكون سهل الامور لو كانت صعبه في نظرك و لو كان فيها عقبات خلك مثل الموية ما تعرف الوقوف عند اي شي يواجهها بل تتشكل على الشي اللي امامها و ياخي انت تبي تعيش الحياة اجعل قدوتك في التعامل سر الحياة (الماء) اللي يحل مشاكله بنفسه و يجري ولا يعرف الوقوف ارجو انك توافقني .
و بعدين اخوي لوها كارهتك كان من زمان طالبة الطلاق و لا شاورتك و لاتنسى انها حامل بمعنى هي اللي بتتعذب مو انت يعني هي اللي شايله هم اكثر منك بكثير انت رجال شايل عيبك مثل ما يقولون .

بعدين شلون أقابلهم وأقابلها مدري والله حالة
تعرف بيتهم و لا لا ؟ تعرف بيت و ليها و لا لا ؟ خلاص من يوم يذن العصر صل معهم و كلم الراس الكبيرة فيهم عن الموضوع و قل انا ما ابي إلا الخير و مهوب انا اللي ينهدم بيتي بهالسهولة انا جيت عشان احافظ على بيتي من الخراب و حرام اضيعة عشان اشياء تافة و عطهم اللي عندك ولا تحاول تكذب او تتصنع إلا إذا صكتك بقعاء لأن اتفاقنا معك هو صلاح النية و صلاحها لن يقودك للكذب او التصنع بمشيئة الله .

فارس قولي كيف قابلتهم وكيف لمارجعتوا للبيت وكيف الحين يعني ماتحس انو في فجوه بينكم شلون تناظرون بعض !!!أبي السيناريو من البداية حتى نهاية الحلقة
سناريو طويل بس لعيونك بكتب وش عندنا شغله غيرك وربي اني منشغل معك لدرجة ان زوجتي تقول وش فيك واقول ادعي له بالتوفيق و تقول منهو اقول صديقي وبس .
انا رحت بعد صلاة العشاء لابوها و طقيت الباب و طلع لي من عند الجيران لانهم اتصلوا عليه و قالي اقلط قلت لا انا ما استاهل المهم اتفقنا على المسجد رحنا للمسجد و في ظرف نص ساعة قطعنا الراي و انتهينا من صلب الموضوع و جلس جزاه الله خير ينصح و يوجه و قال درر بمعنى درر جلس يعطيني من واقع تجربته الشخصية و يهدي فيني و يوصيني و من اروع ما قال لي قال إذا اخطت عليك زوجتك سواء بنتي او غيرها << انا قلت عسى موب يبي طلاق . ودها لأهلها او تعش معها في مطعم او اعزمها في فندق انا بصراحة استغربت مره قال و قبل ما تنزلها عند اهلها او بعد ما تاكلون في المطعم قل انا سويت هذا عشانك اخطيتي علي و هذا كرم مني لك عشان تعرفين اني احبك و لا ابي اخطي عليك مثل ما خطيتي بصراحة اسلوب في توصيل المعلومة بشكل غير مباشر بس تصدق الله يستر ما تقعد تخطي ليل نهار الله لا يلومها عشيات و غديات في مطاعم و اهلها و فنادق ههههه .
بس الشاهد ان الناس تبي مصالح بناتها و لاتخاف محد يبي يدمر مستقبل من تحت يده مهما كان اقولك انا جالدها جلد ما شافته في حياتها و مع ذلك رجعت لي و قدرتني مثل ما انا اقدرها .
في نهاية الجلسه قمت و قال بالنسبة لطلعتها معك و قاطعته على طول و قلت يا عمي انا ما جيت عشان اخذها و لا اقابلها انا جاي عشان ابين اللبس اللي صاير و قال خلاص في يوم كذا تجي عشان تاخذها المهم رحت و جيت في اليوم المحدد و قال البنت ما تبي تقابلك و ما ودها انا انخرشت اي انهبلت لكن خل عنك فروسي صار ثقل و قال براحتها و قعد شوي وقال استهبل و قلت في نفسي لوك منتب خالي كان جاك ما جا بنتك هههههه دخلت البنت علي و فورا طلع الاب و قال تفاهموا انت وياها طبعا كانت مسوية انها زعلانه و انا لما شفت كذا قلت لازم اهدي الوضع و قلت ما يصير خاطرك الا طيب و اللي تبينه يصير لك و إذا ما لبيت اللي تبين من البي له ؟ المهم طارت من الفرحة و كانها استانست و قامت تقول انا ابي نعيش في هدوء بدون مشاكل << انا قلت انسي الفكرة . قلت لازم يجي مشاكل بيني و بينك و مصارين البطن تعارك << تعبت و انا اكتب واوك>> وقلت انا ما ابي منك شي انا جاي عشان اعدل غلطتي معك و ما ابيك تعتذرين لي عن اللي صار منك و عفا الله عما سلف و الحمد لله على اللي صار و ما صار إلا كل الخير و يا غايتي الرضا خل لسانك ينقط عسل و ما يطلع إلا كلام حلو و مرتب و نابع من شخص فعلا يريد الخير له و لزوجته الغالية عليه و ابشر باللي يرضيك و لا تنسى إن من البيان لسحرا بعض الناس تصير شايل عليه و تبي منه ادنى زله عشان تاخذ حقك لكن سبحان الله يسحرك بكلامة و بوذافته و ذوقه الراقي وتنطم و تسكت و لا تقدر تسوي شي فما بالك إذا كان مع زوجتك ، المهم انا خلصت الجلسة وقلت يالله نروح للبيت و من باب الادب شاوري ابوك و علمية قالت اوكي و طلعت من عندي و قالت لأبوها و قال من حقه هذا زوجك و انا متوقع هالشي رحنا للبيت انا وياها و خذيت معي عشا خفيف و جلست انا وياه و لا فاتحتها باي شي إلا بعد 3 ايام لان البنت كانت خايفة من الوحش اللي قدامها و عاملتها بكل احترام و تقدير و حشمة انا اخدم نفسي في البيت انا اصلح الشاي انا اجيب العصير واعطيها انا اصب لنفسي و في المقابل اخدمها طبعا سحرتها بمعاملتي و صارت مبسوطه على اللي صار مني و كان البيت وصخ لدرجة ان ما فيه مكان نقعد فيه و من بكرة بدت تنظف و قلت لا لا تنظفين و رحت جبت خدامة بذيك العدة و قلت يالله نظفي البيت من إلى وزوجتي منبهرة من اللي قاعد يصير و في نفسها ياليته طاقني من زمان هههه المهم رجعنا احس من اول بكثير و انا بصراحة ما حاولت افتح معها اخطائها هي لانها عارفتها المهم الحين صارت تستحي تسوي شي يضايقني .

و عندي مقوله امشي عليها هالايام : و هي الا انظر لنقص البدايات بل لكمال النهايات
و ايضا إذا لم تستطع ان تغفر لزوجتك فتذكر ان الله يغقر و يتوب على المذنب خذ على سبيل المثال قصة صنم عمر بن الخطاب الذي صنعة من التمر و إذا جاع اكل منه ، لكن لماذا لم ينظر له الناس بعين الإحتقار و الإزدراء كيف تأكل شي انت تدين له بالعبودية اضف إلى ذلك انه صرف شي من العبادة لغير الله ، اتدري لماذا لأن التوبة تجب ما قبلها عمر رضي الله عنه تاب فتاب الله عليه وانت تب و سيتوب الله عليك و سيسخر زوجتك بقدرته و صدقني ما راح تجيك إلا و هي نادمة و تايبه و نصيحة لوجه الله :
وش بنطلع به و ش بنستفيد من المشاحناة والبغضاء و المشاكل اللي مالها اول ولا اخر هل نطمح ان نصل للملك هل نطمح ان نصل إلى مرتبة عالية ، هل نطمح إلى منصب إداري ، و الله لا نطمح إلا إلى دمار صحتنا و بيتونا ياخي و ش بنطلع به من هالدنيا بنطلع بكفن ابيض و موب حنا اللي شارينة بعد لا متصدق به علينا ياخي و الله ما يخلد لك إلا الذكر الحسن و الطيبة و التسامح و حنا عندنا قدوة وهو محمد صلى الله عليه و سلم اقرأ في سيرته وشف كيف كان يتعامل مع الكافر اللي ما يسجد لله سجدة و شف كيف كان تعامله مع اللي يسئ له و امش عليها و اقر ردي في موضوع (زوجي قالي كلمة مهينة و لا يكلمني ) على الرابط http://www.66n.com/forums/showthread...=193609&page=2
الرد رقم 14

و بالنسبة لسؤالك عن الفجوة لا الحمدلله لا فجوة و لا شي من هالقبيل بالعكس زالت الفجوات اللي كانت قبل بيني و بينها تعد اللي صار و الكل صار جرئ في طرح ما عندة لكن باسلوب و بعل ورزانة

اتمنى لك كل الخير اخي و انا مستعد لخدمتك بعيوني و مستعد اوصلك لمستشارين اجتماعيين عليهم الكلام عن طريق الإدارة بس انت امر و حنا نطامر انت اشر وحنا نقشر

تراي بكرة الصبح فاضي من 8 الصبح إلى 2 الظهر و بجلس على النت لان المدير مسافر و لا فيه شغل اوكي حبذا تكون متواجد ان كنت فاضي وان كنت نايم فنوم العوافي

^
^
شكلي اعميتك بذا الألوان هههه بس تصدق اني افتح الايقونة و اختار و انا منيب اشوف ههه<< بلاك تزر

__________________

عناد منيب حاط توقيع ، على كيفك انت وياه ؟