انا اعتقد كل اللي فيك وساوس لاأكثر .. طالما انت تحبها
انا زوجي طوله ماشاء الله 183 وانا 155 ولك تخيّل الفرق الشاسع لكن انا وهو مبسوطين لاننا نحب بعض من قلللب فكل شي بيننا نعتبره ((ميزه)) وأحيان كثيره اتخلى عن الكعب بالطلعه لانه عاجبني شكلي فطفوطه جنبه !
وانت مو طويل 174 مو بعيد عنها لانك مثل طول اخوي وماشوف ذاك البعد عنه بما اني قريبه لطول زوجتك
بس اعتقد الشيطان كبر المسأله حيل
طالع لطولها من جهه ايجابيه اعتبرها طفلتك .. يعني شو بتستفيد اذا جارتك بالطول
يعني لو كانت اطول منك كان قلنا يمكن يحق لك تفكر بالموضوع لان سبحان الله تعودنا انه الرجل لازم اطول من زوجته
اما مسأله مابينكم الا 18 سم !! وتقول تعاسه !! فإسمحلي انت انسان لم تجد مشكله في حياتك فاختلقتها
ادري بتقول مو حاسين فيني وانا وانا .. لكن بقولك تذكر ان إبن آدم مايملى عينه إلا التراب ولو كانت زوجتك مثل الطول اللي تبيه كان طلعت فيها الف عيب ثاني .. بتقول لا ابي زوجتي مثل ماهي + طول وسمنه بقولك انت تبي مواصفات كامله مثل اللي ببالك وهالشي مستحيل والكمال لله سبحانه ..
محد يحصل على كل شي بالدنيا
وانت تملك أغلبها والاجدر بالحفاظ عليها .. الطول والوزن زايل يابإنحناء ظهر عند الكبر او بمرض ومابيظل الا جوهر زوجتك فحافظ عليييه
وتحمل نكدها انت اللي زرعت هالشي فيها حتى لو كان من باب المزاح اسلوبك كان مزحه برزحه وتحتاج وقت طويل لين تنسى او بالاصح تتناسى
حاول تقنعها انك صرت تكره الطول .. انه تعلق على وحده طويله وتقول سبحان الله مافيهم نعومه .. حلاة الزوجه فطفوطه مثلك ومن هالكلام .. اقنعها بكلامك وردده كثير لين تشيل فكرة الطول من راسها
والله يوفقكم ويسعدكم يارب