نوريين
دلوعة الغلا
محتاج للراحة
جرين222
تونسية
تيررا

اشكركم من جد وبالعكس في تغير ها الايام

انا قمت وخبرته ان خاطرنا انروح السينما يعني نغير جو طبعا احنا على طول نطلع مع اليهال بس ها المرة قلت له خلنا نطلع طلعة جذي بروحنا

وبالعكس ما قال شي خبرته قبل يومين من الطلعة وطلعنا من الساعة ثمان حتى الوحدة وخمسة وابعين بصراحة طلعة كلش حلوة تمشينا مع بعض واشترينا هدايا الى بعض وتعشينا وبعدها السينما وفي العشى فتحنا الى بعض الموضوع بس موب تفاصيله ... يعني سألته انت ليش جذي متغير قالي لا لا متغير ولا شي قلت له لاحظت عليك شي في الآونة الاخيرة قالي قولي اسمعج قلت له انت تمارس العادة السرية قال لي هذه موب بالعادة هذا انا احتلم قلت ليش قال هذا الامر عادي وبعدين قال لي انا ادري مقصر عليج بس موب عيب فيح والله بالعكس انا ما ادري اش فيني قلت له يمكن من الأشياء اللي اتشوفها قال لي انا ما اتأثر بشي اشوفة وبعدين هذا شي عادي ونزوة وتنتهي وخذي الموضوع عادي .. وبعدين هو ذكر لي ان متأثر ليش سوى معاي جذي جفاه موب طبيعي وحتى سفرته متأذي لمن يذكر انه تركني واعياله وراح وحتى قال لي انه واحد من اللي سافروا معاه يبيه ويلح عليه انه بيعيدون الكرة وهو رفض كذا مرة وقال لي مستحيل اطيح في ها الفخ مرة ثانية وعلى فكرة احنا تونا رادين من سفرة برة وكلش استانسنا

بس قال لي خل الايام تفرج ان شاء الله والله يغير الحال الى احسن ان شاء الله

بصراحة رجعنا مستانسين والحمد لله

الله يهديه بعد على صلاته ودينه مع انه دايم يستمع للقرآن والمحاضرات الدينية يعني مواظب عليها بس الله اعلم بااللي في خاطره

ومع اعياله احسن ما يكون ومعاي بعد بس اللي مضايقني سالفة المسنجر وعلى فكرة قالي انه لغى اللي معاه بالمسنجر وبعد متضايقة من سالفة ترك الصلاة الله يهديه

خيو تيررا مشكورة على التوضيح لج خاص تحياتي

في امان الكريم

لكم كلكم كل الخير انا جذي ببركة دعائكم لا تنسوني بالله عليكم ذكروني الله يهدينا ويهدي الجميع

في امان الخالق المنان