السلام عليكم .....
أخواني .. اخواتي شكرا كثير على الاستجابة و التفاعل مع مشكلتي .....
بس بجد انا اعاني مع الكبير كثير لان الصغير من يوم ولدتة و هو لازق فيني ما جربت اني افصلة عني ... لسبب بسيط انة يتقلب كثير بالنوم وكل شوي يدف البطانية لدرجة اني البسة شتوي ثقيل للنوم مرررة يتحرك بشكل اخاف علية انة يطيح ... انا عن عمد مخليتة بيني و بين ابوة عشان بس يتحرك او يدف البطانية احس فية ....
مع الصغير تعودت على القلق بالنوم ما اشبع نوم ابد كل شوي صاحية من حركتة ما شا الله علية ...
امس نومت الكبير بغرفتة من البداية بس كان مرعوب اني اتركة بصعوبة نام و ما هي الا ساعة او اقل الا جاني غرفتي ... رجعتة سريرة و عالفجر تقريبا رجع جاني و خفت نومتي تطير من عيني غطيتة بجنبي ....